Grenell shkjau përballë Albin fashistit! Kosova në rrezik!
nga Agim Popoci
Emërimi i Richard Allen Grenell si i dërguari i Presidentit amerikan Donald Trump për misionet speciale, për, siç sqaroi vetë Presidenti i sapozgjedhur, disa nga pikat më të nxehta në mbarë botën, duke përfshirë Venezuelën dhe Korenë e Veriut, dhe Agjencia e lajmeve Reuters në shërbim të Grenellit e shtoi edhe Kosovën, ngjalli jo pak frikë tek shqiptarët për fatin e dialogut për shtetin e Kosovës, që tashmë ka ditët e numëruara.
Të zhgënjyer mbetën edhe ata shqiptarë që iu gëzuan lajmit se Marco Rubio do jetë Sekretar i Shtetit meqë Reuters dhe mediat serbe deri në këtë emërim po trumbetonin lajmin se Richard Grenell do ulet në këtë fron; Por, ja që gjërat u komplikuan së fundi edhe me Rubion shef të Departamentit Amerikan të Shtetit!
Nëse shqiptarët me arsye normale edhe mund ti kuptojnë masturbimet twitteriste të të fortit Richard Grenell për Albin Kurtin fashist me përvojë, pavarësisht se targat serbe dhe letërnjoftimet kosovare tashmë janë vu në vijë dhe nuk janë as “mashtrim” dhe as “papërgjegjshmëri” e një të majti radikal, siç e cilësonte Kurtin, atë që e bënë pikë shumë të nxehtë Kosovën dhe të pakuptimtë dialogun me Serbinë është, ku do të përfundoj shteti i Kosovës pasi ti ketë futur duart Grenell, njeriu që mbi supe mbanë një Dekoratë të Presidentit të Republikës së Serbisë!
Në krye të herës, duhet sqaruar se nuk bëhet fjalë për një Dekoratë do si do, por “Urdhri i Flamurit Serb të shkallës parë” është çmimi i dytë për nga rëndësia që ndanë Presidenti i Serbisë, dhe i është dhënë vetëm 18 personave për 15 vjet!
Dhe, se me vlerësimin që Aleksandar Vuçiç i bëri Richard Grenellit kur i vari këtë Urdhër në qaftë duke thënë se “roli i Grenellit në dialogun në mes të Beogradit dhe Prishtinës jo vetëm ka kontribuar në paqen dhe stabilitetin në rajon, por ka luajtur rol kyç në forcimin e lidhjeve në mes SHBA dhe Serbisë”, mund të ngjallen dyshime që cenojnë dialogun Kosovë-Serbi!
Por, që Richard Grenellin e bënë “Urdhri i Flamurit Serb të shkallës parë” aq shkja sa që mund ta rrezikoj edhe dialogun Kosovë-Serbi e me të edhe fatin e shtetit të Kosovës e dëshmon fakti se me po këtë Urdhër janë dekoruar Ministri i Jashtëm i Rusisë, Sergei Lavrov, dhe ai i Mbrojtjes, Sergei Shojgu, që sot janë më meritorët si për pozitën diplomatike që sot gëzon Serbia në botë, ashtu dhe faktin se sot ushtria serbe është forca më e armatosur në Ballkanin Perëndimor, dhe, kjo nuk e pengoi Grenellin kur pranoi dekoratën!
Dhe jo vetëm kaq! Richard Grenell u krenua vitin e kaluar kur Presidenti i Serbisë në ditën e shtetësisë i vari në qafë “Urdhrin e Flamurit Serb të shkallës parë”, por, bartës i këtij Urdhri tashmë dhe homolog i Grenellit nuk është një i majtë radikal, as fashist me përvojë, por, një kriminel komunistë, Vitaly Churkin; Të cilit, Amerika shumë gjëra ndoshta edhe ia ka fal në rolin e tij si Ambasador i Rusisë në OKB, sjelljet e tij si pjesë e delegacionit të Kombeve të Bashkuara në prag të shpalljes së pavarësisë së Kosovës ndonëse ishte projekt ekskluziv i Shteteve të Bashkuara, si dhe akuzat për Kosovën të cilën e cilësoi edhe si qendër të trajnimit të terroristëve të ISIS-it, por, jo dhe veton në Këshillin e Sigurimit të OKB për rezolutën britanike në 20 vjetorin e Masakrës së Srebrenicës, edhe kur rezolutë u transformua e tëra që të mos i cenoj interesat ruse dhe kineze!
Por, Grenellit nuk i lëvizi qerpiku, hapi krahët që të vë në dukje edhe më shumë këtë Urdhër që i ndau Aleksandar Vuçiç ndonëse po këtë Urdhër e mbanë edhe një tjetër kriminel me nam, jo në Rusi, por në Podgoricë!
Që Andrija Mandiç aktualisht Kryetar i Parlamentit të Malit Zi mbanë mbi supe këtë Urdhër, Serbia dhe Presidenti i saj, Aleksandar Vuçiç ka shumë arsye për ta dekoruar, pasi me meritat e këtij personi sot ky shtet anëtar i NATO-s është shndërruar në shtet serb ndërsa integrimi evropian me meritën e këtij personi është në stanjacion ekstrem dhe BE shumë më larg këtij shtetit Podgoricës se sa në kohën kur Beogradi zyrtar po marshonte drejt Podgoricës me spiunë rus, për ta rrëzuar pushtetin demokratik malazez.
Por, Richard Grenell nuk ka asnjë arsye në botë të pranoj dhe të krenohet si homolog i Andrija Mandiçit!
Po si duhet të sillet Kryeministri i Kosovës, Albin Kurti, kur përballë ka njeriun nga i cili në masën më të madhe varet fati i shtetit kosovar, shkjaun, i cili pasi u licencua nga Presidenti i Serbisë, Aleksandar Vuçiç, tha se zgjidhja e vetme në dialogun Kosovë-Serbi është, që të dyja palët të bëjnë lëshime!
Dhe, e gjitha kjo, pasi Albin Kurtin e ka përcaktuar si “një i majtë radikal dhe fashist me përvojë”!
Në këtë situatë, sido që të sillet Albin Kurti si njeriu me kompetenca kushtetuese për të përfaqësuar shtetin në dialogun Kosovë-Serbi, pak rëndësi ka përulësia dhe mirëkuptimi i tij për gjithçka që ka ndodh në të kaluarën, përballë një shkjau të licencuar si Richard Grenell!
Ende pa e parë dritën e diellit Marrëveshja e re, ajo jo që është e paragjykuar por është e papranueshme për Kosovën sepse është rezultat final i një shkjau të licencuar që dialogoi me një fashist me përvojë!
Edhe sikur të mos përjashtohet mundësia e një Kryeministri tjetër të Kosovës, që mund t’a përzgjedhë Richard Grenell duke mos përfill votën e popullit, përjashtohet mundësia e suksesit pasi kemi përvojën e nxjerrjes me dhunë të Albin Kurti nga Zyra! As shija e Grenellit, as Marrëveshja e Washingtonit as Kryeministri Abdullah Hoti, nuk mbanin erë shqiptare; Kosovare shumë më pak!
Kosova është në rrezik!
