Shuhet Kryepeshkopi Anastas Janullatos

Shuhet Kryepeshkopi Anastas Janullatos! Lajmin për fjetjen me Zotin të Kryepeshkopit të Tiranës, Durrësit dhe gjithë Shqipërisë, Anastas Janullatos, e ka bërë Kisha Ortodokse Autoqefale e Shqipërisë përmes një njoftimi ndërsa fton besimtarët orthodhoksë të Kishës së Shqipërisë të luten për prehjen e shpirtit të Kryebariut të ndjerë.

“Kisha Orthodhokse Autoqefale e Shqipërisë, me dhimbje të thellë, njofton fjetjen më Zotin të Kryepeshkopit të Tiranës, Durrësit dhe të gjithë Shqipërisë, Fortlumturisë së Tij, Anastasit. Kryepeshkopi ndërroi jetë sot, 25 Janar 2025, në orën 07:30 të mëngjesit, në moshën 95-vjeçare, në Spitalin “Evangelismos” të Athinës, si pasojë e funksionimit të pamjaftueshëm të shumë organeve. Më parë, ishte kuruar për disa ditë në Spitalin “Hygeia” të Tiranës,” thekson Kisha Ortodokse Autoqefale e Shqipërisë duke përfunduar:

“I përjetshëm qoftë Kujtimi i tij!”

Ndryshe, në mes të kundërshtive të linjës së fortë patriotike shqiptare dhe linjës greke që dominoi gjatë rindërtimit nga themelet të jetës kishtare në Shqipëri, Kryepeshkopi i Tiranës, Durrësit dhe Gjithë Shqipërisë, Anastas Janullatos, la mbrapa një brez të ri klerikësh, puna e të cilëve do të konfirmoj produktin e shërbesës dhe sakrificës së tijë 33 vjeçare, për të cilën flet sot Kisha Ortodokse Autoqefale e Shqipërisë dhe kontestohet nga kundërshtarët e Krypeshkopit Anastas Janullatos.

Njoftim:

Fjeti më Zotin Kryepeshkopi i Tiranës, Durrësit dhe Gjithë Shqipërisë, Anastasi.

Kisha Orthodhokse Autoqefale e Shqipërisë, me dhimbje të thellë, njofton fjetjen më Zotin të Kryepeshkopit të Tiranës, Durrësit dhe të gjithë Shqipërisë, Fortlumturisë së Tij, Anastasit. Kryepeshkopi ndërroi jetë sot, 25 Janar 2025, në orën 07:30 të mëngjesit, në moshën 95-vjeçare, në Spitalin “Evangelismos” të Athinës, si pasojë e funksionimit të pamjaftueshëm të shumë organeve. Më parë, ishte kuruar për disa ditë në Spitalin “Hygeia” të Tiranës.

Ftojmë besimtarët orthodhoksë të Kishës së Shqipërisë të luten për prehjen e shpirtit të Kryebariut të ndjerë.

Fortlumturia e Tij, Kryepeshkopi Anastas, ishte rindërtuesi dhe rigjallëruesi i Kishës Orthodhokse Autoqefale të Shqipërisë, të cilën e ngriti tërësisht nga rrënojat pas rënies së regjimit ateist. Me vizionin hyjnor dhe punën e tij të palodhur, ai rindërtoi nga themelet jetën kishtare, ndërtoi qindra kisha, krijoi institucione arsimore dhe bamirëse, si dhe formoi një brez të ri klerikësh, duke ofruar një shërbesë të pandërprerë e sakrifikuese për më shumë se 33 vjet.

I përjetshëm qoftë Kujtimi i tij!