Arrestohet Erion Veliaj

GJKKO ka vendosur masë sigurie “arrest me burg” për Kryetarin e Bashkisë Tiranë, Erion Veliaj.

Mësohet se Gjykata e Posaçme ka vendosur arrest me burg për Erion Veliaj me kërkesë të SPAK.

Oficerët e BKH kanë arrestuar Erion Veliajn në zyrën e tij në Bashki!

Mësohet gjithashtu se GJKKO ka vendosur masën e sigurisë arrest në shtëpi për Ajola Xoxën, bashkëshorten e Erion Veliajt.

Aktualisht, Kryetari i Bashkisë Tiranë, Erion Veliaj ndodhet pranë Bllokut të Sigurisë në Rrugën Mine Peza, pasi BKH ka ndërruar mendje në momentet e fundit për ta dërguar në ambientet e Drejtorisë së Policisë së Tiranës ku i ishte bërë gati ambienti për pritjen e kolegut të SPAK-ut, Erion Veliaj.

Më herët SPAK ka njoftuar se Kryetari i Bashkisë Tiranë, Erion Veliaj, dyshohet se ka konsumuar katër vepra penale që janë: Korrupsion pasiv i funksionarëve të lartë shtetërore ose i të zgjedhurve vendorë; Korrupsion aktiv i funksionarëve të lartë shtetërorë ose të zgjedhurve vendorë; Pastrimi i produkteve të veprës penale ose veprimtarisë kriminale; Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim.