Panairi i Turizmit, Shqipëria, Mali i Zi dhe Kroacia

Çdo vit, në fillim të pranverës, të gjithë ata që duan të jenë të pranishëm në tregun global të turizmit mblidhen në Berlin. Këtë vit, një nga temat kryesore është rritja e çmimeve.

Të dhënat rekord nga ITB e këtij viti tregojnë se industria e turizmit është rikuperuar pothuajse plotësisht pas pandemisë së viruit korona: Mbi 5.800 ekspozues nga 170 vende u paraqitën në Berlin.

Rimëkëmbja e turizmit shihet edhe nga të dhënat e një sondazhi të publikuar në fillim të panairit, i cili tregon dëshirën e gjermanëve për të udhëtuar. Pavarësisht rritjes së inflacionit dhe çmimeve, qytetarët gjermanë nuk duan të përmbahen kur bëhet fjalë për shpenzimet e udhëtimit.

Këtë e konfirmon Romeo Dragviniç, drejtor i Zyrës Turistike Kroate në Frankfurt. “Dëgjuam nga partnerët tanë këtu në panair se çmimet në Kroaci nuk janë të ndryshme nga çmimet në destinacionet e tjera në Mesdhe. Familjet gjermane po ndjejnë efektet e inflacionit dhe kanë një buxhet më të vogël. Por ne të gjithë e dimë se pushimet janë shumë të rëndësishme për gjermanët dhe se ata nuk do të heqin dorë nga pushimet. Kështu që tani për tani, çmimet nuk përfaqësojnë një problem të pakapërcyeshëm”, thotë Dragviniç.

Çmimet në Kroaci janë bërë një temë e nxehtë edhe në Gjermani, në kohën e bojkotit të fundit nga konsumatorët për shkak të çmimeve të larta. Ndaj çmimet janë një faktor shumë i rëndësishëm për turistët potencialë.

Shqipëria – një yll i ri në Berlin

Shumë destinacione në zonën përreth Kroacisë po presin me padurim turistët që anashkalojnë Kroacinë dhe shkojnë atje për pushime, sepse Kroacia është shumë e shtrenjtë. Vendi partner i ITB-së të këtij viti është Shqipëria, e cila ka të njëjtat avantazhe si fqinjët veriorë në Adriatik. Por me çmime dukshëm më të favorshme se Kroacia. Deri pak vite më parë, vetëm disa dhjetëra mijëra gjermanë vizitonin Shqipërinë çdo vit.

Ndërsa vitin e kaluar,ky numër u rrit në 350.000 dhe është vazhdimisht në rritje. Në këtë kontribuon edhe rritja e numrit të linjave ajrore me kosto të ulët. Këto shifra janë ende larg shifrës sëj rreth 3.5 milionë gjermanëve që vizitojnë Kroacinë çdo vit. Por tendenca është më se e dukshme: turizmi shqiptar po shënon një rritje vjetore prej 15 për qind.

Reklamë

Mali i Zi si një Kroaci më e lirë?

Mali të Zi, i cili ndodhet mes fuqisë ekzistuese turistike Kroacisë dhe “destinacionit në rritje” Shqipërisë, shpreson se ky vend është akoma më i favorshëm se Kroacia. “Njerëzit që e shohin Kroacinë shumë të shtrenjtë, thjesht mund të vazhdojnë në Mal të Zi dhe do të gjejnë çmime më të ulëta,” tha Michael Bader, president i Komitetit të Turizmit në Shoqatën Ekonomike Gjermano-Malazeze.

Ai pranon se Malit të Zi nuk i është kursyer vala globale e rritjes së çmimeve, por punonjësit e turizmit në këtë vend po përpiqen ta zbusin këtë trend. Kështu, siç tha Bader për DW, një biletë vjetore për vizitën e të gjitha parqeve kombëtare në Mal të Zi kushton vetëm 13.50 euro. Për krahasim, një vizitë një herë në Liqenet e Plitvicës kushton 40 euro. Është gjithashtu pjesë e një strategjie për të tërhequr mysafirë që vijnë në bregdetin malazez në pjesën tjetër të vendit, veçanërisht në veri me parqet e tij të shumta kombëtare.

Turizmi në jug të Hercegovinës

Stenda e Bosnje Hercegovinës këtë vit është dukshëm më e madhe se vitin e kaluar. Ky vend dëshiron të tërheqë më shumë mysafirë, sepse BeH nuk njihet si ndonjë destinacion i veçantë turistik në Gjermani. Diversiteti është një përparësi e këtij vendi: nga Sarajeva me pamjet ekzotike, përmes parqeve të shumta kombëtare e deri në bregdetin e vogël por të pasur me turistë.

Një nga rajonet më të larmishme është Kantoni Hercegovinë-Neretva. Kreshimir Miliçeviç thotë se ky rajon synon kryesisht të tërheqë turistë me oferta të ndryshme. “Këtu mund të skijoni në veri të kantonit, pastaj është pelegrinazhi i rëndësishëm i Megjugorjes, Mostari me ofertat e tij kulturore dhe së fundi Neumi me plazhet e tij”, thotë Miliçeviç për DW, duke shtuar se duhet vetëm një orë për të shkuar nga Mostari në Neum. “Afërsia dhe lidhja e mirë janë avantazhi ynë i madh,” pohon ai.

Beogradi si një Mekë gastronomike?

Përfaqësimi relativisht i dobët i ofertave turistike të bazuara në gastronomi tregon se rajoni i Evropës Juglindore është ende i panjohur për shumë vizitorë nga jashtë. Në Serbi, ata tani duan ta ndryshojnë këtë dhe t’i shtojnë një formë tjetër ofertës specifike turizmit rural.

“Gastronomia është bërë një potencial shumë i njohur në Serbi, veçanërisht pasi 23 restorante janë futur në listën e rekomandimeve të Michelin”, tha për DW Marija Laboviç, drejtore e Organizatës Turistike të Serbisë. Ajo beson se çertifikimi i një organizate që operon sipas të njëjtave kritere në të gjithë botën është një potencial për zhvillimin e mëtejshëm të turizmit gastronomik.

Serbia prezanton në Berlin edhe ofertën për pushime të shkurtra në qytet, e do të promovojë edhe “Expo 2027”. Dëshira është që numri aktual i turistëve nga Gjermania të rritet. Aktualisht ka rreth 130 mijë në vit.

Por një problem serioz janë çmimet e biletave për fluturime në kohën e panairit. Ndërkohë që problem është edhe numri i vogël i fluturimeve drejt këtij vendi./DW/