I keni në Google: Edi Rama…
nga Agim Popoci
I keni në Google: Edi Rama foto nudo! Ishte ky sugjerimi që Edi Rama i bëri fëmijëve në një tubim elektoral në plazhin e Spillesë që ndonëse ishte një promovim i pastër i pedofilisë, dhe, munguan zërat në mbrojtje të fëmijëve edhe nga ata 65 mijë prindër që kërkuan mbylljen e TikTokut sepse po nxiste dhunë ndër fëmijë, është një vepër penale me të cilën duhet të merret drejtësia dhe jo ata që janë shumë afër fitores së 11 Majit duke ndjekur këshillat e Chris LaCivitas!
Të tronditurit, me arsye, duhet të kthejnë pak kokën pas, jo për t’u qetësuar por për të parë Edi Ramën e vërtetë që për pushtet nuk njeh jo fëmijët e botës por as ata që i ka në çertifikatë familjare, ku për çyryk e quajti edhe veten kur ju deshtë, ndërsa sot, Bufi dhe Latifi i ngecën në fut edhe pasi u lumturua si Rapush Xhaferi me këngën që gratë e Maliqit i kishin qëndisur rivalit të tij politik, kur konstatoi se radhët e Sali Berishës po shtohen!
Janë, këto radhë, që çdo ditë e më shumë po e freskojnë kujtesën e tyre me dështimet e kësaj qeverie me ndihmën e motorit të Google, dhe Edi Rama vazhdon të mendoj edhe në grahmat e tij të fundit se mund ti urdhëroj duke i ngatërruar si shumë vite më parë me fotot e tij nudo, në mënyrë që mos ta shohin të vërtetën!
Por, sot, është vonë!
Nëse një i ri që për herë të parë do të votoj më 11 Maj 2025, ndihma e parë që e kërkon në Google është “Edi Rama qeveri 2013”, kohë kur ai ishte 6 vjeç dhe si nëpër tym i kujtohet fitorja pas flakëve të 21 Janarit!
Edi Rama i vuri flakën Tiranës më 21 Janar për shkak të korrupsionit të Ilir Metës, dhe po ky hajdut, Google thotë, se i mundësoi fitoren Ramës dhe PS-së dhe bënë qeveri, me të cilën u zotua se do të arrestoi vrasësit! Sot, urdhëruesi i vrasësve me uniformë është në listë për deputetë!
Neveri, shkohet tutje me shpresën e lajmeve më të mira në Google, me “Edi Rama premtime”, por, çudira me të cilat zonjat e Maliqit vetëm këngë nuk bëjnë dot!
Ujë 24 orë, as pas 12 viteve të Qeverisë Rama nuk ka as nuk do të ketë, sot vetëm vidhet, si tubi ashtu dhe zhavorri, dhe Ujësjellësi shërben vetëm për punësimin e patronazhistëve!
Pensioni mund të jetë një çështje që nuk i intereson një të riu që vazhdon dhe lexon premtimet e Edi Ramës në Google, por, jo dhe një çështje që nuk i shkakton neveri me gjyshin që i ngre zërin televizionit sa herë i del Kryeministri, në pritje të ngritjes së pensioneve në këtë vit zgjedhor!
300 mijë të punësuar, i thotë Google, por as ekselentët që u ftuan në Kryeministri nuk u përfillën nga kjo kastë kriminale! Ndërsa shifra në fjalë pas 1 milionë shqiptarëve të larguar, mund të arrihet vetëm me 300 mijë filipinez të punësuar!
Rrugë nga qeveria, del në Google Kryetari socialist i Shkodrës së Edi Ramës që në kohë të Saliut thoshte 13 mijë kilometra janë ndërtuar, Rruga e Kombit mrekullia ballkanike dhe tuneli më model i ndërtuar deri më sot! Prit, del dhe këtu një tunel, aha, nuk është për njerëzit por për klientët e Samir Manes; Po ai që akuzohej si miku i Ridvanit dhe sot i ndërtohet tuneli për resortin e tij! Ja dhe uji, jo, jo, nuk shkon në Kuç, nuk ka arsye, por, në Green Coast Resort në Palasë aty ku bashkëpunëtori i ministrit të Milosheviçit zhvillon turizmin!
Oligark i Saliut u quajt nga Partia Socialiste edhe Klodi i Spitalit Amerikan, por nga e nxori tani Google bashkëpunëtor i Edi Ramës, nuk paguan qira te Trauma, nuk ka më transplant veshke te shteti sepse bëhet te Klodi, spitali i vetëm i hapur në Pandemi, dhe hapet qendra Stroke! Shkatërrim i shpejtë i shërbimeve në shtet për t’ia dhuruar një Spitali që nuk u bë kurrë privat, aq më pak Amerikan, por këtu thotë se u bë Spital që blenë Spitale! Po, iku Hygea!
Qet Kastrati, Rruga e Kombit, ja ka bërë kjo qeveri edhe rrugë! Jo, jo, Google thotë merr lekë për rrugën që e ka ndërtuar Saliu, gjithsesi për mendjen e Edi Ramës edhe kjo është punë rrugësh! Kundërmon komunizëm, punë kriminelësh!
Krim, pushtet, Samir, Qet, por a ka dhe diçka tjetër që Google thotë për “Edi Rama krim”! Shumë, edhe pa Lazaratin, nga Ekuadori në Tepelenë, marijuanë dhe kokainë, dhe pandehur del Zv/Kryeministri i tij Tigër që thotë se lejoi trafikun e drogës për rritjen e mirëqenies; Ou, shpikje që ekspertët e Davosit nuk e kishin parë as në ëndërr!
Koncesionet, asnjëri i rregullt, as ai i Dializës kur aty ishin pajisjet, vetëm duhej menaxhim! Uuu Sterilizimi, ato veglat e ndryshkura që i tundte Edi Rama, për çfarë shërbeu gjithë ajo maskaradë! SPAK thotë për vjedhje, Edi Rama vazhdon e mburret por jo dhe Google! Ilir Beqja mbrohet nga Rama por SPAK e mbanë presionin deri sa ky hajdut vjedhë edhe paratë e BE-së! Pranga, jo për hatanë që bëri në Shëndetësi por thuhet 120 mijë eurot e Brukselit!
Tërmeti dhe rindërtimi në Google, vjedhje edhe në kohë fatkeqësie natyrore, sërish ky Tigri! Edi Rama thotë se e kërkon drejtësia dhe ky që e kërkon Dumani akuzon Kryeministrin Rama se është hajdut me firmë, ndërsa zari i tij Lali Eri pronar faktik i inceneratorit të Tiranës; Jo dardha e molla, por, qindra miliona euro të vjedhura!
Po ky Sajme Qorri, reformuesi i madh i policisë të cilin Soros e futi në Shtëpinë e Badhë për ta bërë pis, ku është! U arrestua, kreu burgun dhe tani ka resort për turizëm mjekësor!
Arrestohet Sali Berisha! Interesant ky Google, thotë arrestimi më i madh i shekullit, shpërthen tullumbacja, nga arrest në shtëpi lirohet, dy vjet nuk u gjet asgjë, dhe kur të gjithë hajdutët vërdallisen në fushatë zgjedhore, vetëm Saliu detyrohet të paraqitet në SPAK!
Po Iliri ku ngeli! Google fillon e qesh si dibranet me burrat çyryk, në burg o bir në burg, nuk e shpëtoi as Zotni Lafsha me gardën e mbrojtjes së Kushtetutës! LSI, tepsi, krimi i organizuar!
Uji fle por jo dhe Google, fushata zgjedhore filloi ashtu si dhe rritja e PD ndërsa Edi Rama sajoi 65 mijë firma për të mbyllur TikTokun ndonëse para atyre që kishte kërcënuar me humbje të thellë me 115 deputetë socialistë nuk uli kokën por mandatet, 81!
Google thotë se Edi Rama filloi të flas për pasaportën evropiane, para i doli LaCivitas që po kërkonte miun, dhe nxitoi, iku në vrimë për të kërkuar denigrimin e këtij njeriu që po i ul numrin e votuesve në sondazhe!
Vrima e miut nuk është më as 300 e as 500 grosh, kur u korruptua një zyrtar i lartë i FBI siç ishte McGonigal pse nuk korruptohet një ekspert fushatash elektorale, e kush pyet për çmimin kur në këtë vend ka ende për të vjedhur, filloi të qetësohet Edi Rama dhe pyeti për urdhrin që kishte dhënë për të gjurmimin e njerëzve të afërt të LaCivitas!
U mundua ta ndaloj motorin e Google me çyryk siç bëri Kominterni me celulat duke fejuar komunistet shqiptare me çyryk dhe për meshkuj kishin Miladinin e Mugoshën! Kot që tërhoqi zvarrë mediat që ka nën kontroll me gra dhe vajza që gajasen kur Edi Rama i përbuzë bashkëshortët dhe baballarët e tyre, sepse rënia e votave në sondazhe vazhdoi dhe ky llum edhe vetë u bind se nuk i merr dot më shumë se 71 deputetë më 11 maj!
Kur anëtarësimin e Shqipërisë në BE nuk e zë më në gojë as Fuga e as Bela, dhe të gjithë filluan të flasin për suksesin e LaCivitas sikur u se në rastin e Presidentit Trump, Edi Rama shkundi opinionin publik duke drejtuar fëmijët nga kërkimi në Google për fotot nudo!
Por kjo nuk zgjoj shumë interes meqë Sigurimi i Shtetit tani po përdhunon gratë e zengjinëve të ri socialistë dhe me perëndimin e diellit pas kësaj shkundje, filloi të flitet për sondazhin që kishte porositur Edi Rama nga John McLaughlin.
Sërish diversion, që në fillim të prezantimit McLaughlin nuk foli për metodologji por tha se ishte mik i LaCivitas! I atij Latifit, që Edi Rama me shpurën e tij mediatike tha se nuk ishte askushi dhe nuk ka lidhje me Trumpin, dhe sot rezulton mik i mikut të Kryeministrit Rama, sondazhist dhe strategu zyrtar elektoral i Presidentit Donald Trump, për zgjedhjet në SHBA! Kështu, në fund, amerikoni i Ramës na tha se Edi Rama do të fitoj me 49.2%, por ata që e dëgjuan po këtë sondazh i cili thotë se 70.6 e të anketuarëve shprehen negativisht për qeverisjen e vendit, nuk kanë arsye të trazohen shumë, përgjigjen e kanë në Google: Edi Rama humbës në 11 Maj!
