Edi Rama, nga Stalini tek Robert Orben
Sot Edi Rama është më i qartë se në fillim të fushatës për mandatin e katërt dhe vazhdon rrugën drejtë realizimit të qëllimit final, 71 mandate, sepse ashtu i thonë rezultatet e sondazhit të fundit që publikoi!
Nuk përmendën më 115 mandate me të cilat kërcënonte Sali Berishën, as 84 mandate që i dhuroi sondazhi i TCH, por iu ngjitë televizioneve javën e fundit për të rritur kuotat që nuk i ka mirë; Madje shumë më keq se sa që i serviren në tavolinë nga patronazhistët!
Po çfarë po ndodhë me Edi Ramën që pas përbuzjeve të rënda të rivalit politik me buf e këneta, refuzimit të daljes së të gjithë kandidatëve të PS në media, përbuzjes së njerëzve që u angazhuan nga SHBA për fushatën e PD dhe Sali Berishës, dhe një lideri që kishte krijuar idenë se zgjedhjet mbahen kot pikërisht ashtu siç mendonte Stalini, po shohim një aktivizim të çuditshëm mediatik të Edi Ramës ndonëse i kishte refuzuar për vite të tëra, thuase për synim ka të na dëshmoj se sondazhet ishin të sakta, ashtu siç deklaronte aktori Robert Orben!
Strategjia e Stalinit
Mjaftueshëm është që njerëzit të dinë se ka pasur zgjedhje. Njerëzit që votuan nuk vendosin për asgjë. Ata që numërojnë votat vendosin për gjithçka, e kishte thënë shumë kohë më parë krimineli rus dhe lideri i Bashkimit Sovjetik, Jozef Stalin, që Edi Rama si kandidat i PS për Kryetar të Bashkisë Tiranë e vuri në jetë si praktikë në vitin 2003, pas mandatit të tij të parë kur nuk po fitonte as ndaj një avokati si Spartak Ngjela; Për të cilin kishte vetëm mospërfillje, pavarësisht se kishin ndarë tavolinën e punës për rrëzimin e Saliut!
Por, avokati si kandidat i Saliut i dëshmoi Edi Ramës me gjykatë, pasi zgjedhjet i humbi duke “numëruar” vota, se populli nuk e do! Ky nuk ishte shqetësimi i Edi Ramës por rruga drejt majave të pushtetit që e filloi me kapjen e Kryetarit të PS me të njejtin sistem vetëm dy vjet më vonë, në vitin 2005, ashtu siç i fitoi dhe zgjedhjet për Kryetarin e Bashkisë në vitin 2007, por, që humbi dy herë me të njejtën formulë zgjedhjet e vitit 2009 dhe vitit 2011!
Shumë zhurmë u ngritë për fitoren e tij në vitin 2007 për Kryetar të Bashkisë Tiranë përballë Sokol Olldashit, një ministri shumë të suksesshëm të Qeverisë Berisha 1, por asgjë nuk ndryshoi rezultatin përkundër qindra kutive të votimit bosh dhe njeriut që tashmë quhej lider i opozitës dhe manipulonte votat në mënyrë më të paskrupullt se Stalini!
Por, për çudinë edhe të atyre që e rrethojnë, kur u përballë me humbjen në zgjedhjet parlamentare të vitit 2009, po ky manipulator zgjedhor u acarua dhe ngriti dynjanë në protesta.
“Hap kutitë ose largohu” mund të ishte një moto e protestës, por e dal nga goja e Edi Ramës ishte tallje për secilin që ka edhe dy gram tru, ndërsa zgjedhjet e vitit 2011 i treguan këtij analfabeti politik se nuk bëhet dot as Kryetar i Bashkisë Tiranë! Stalinin nuk e kishte në krah sepse kishte vdekur por Ambasadori i SHBA që numërojë votat që deshti, e nxori fitues kandidatin e Saliut, Lulzim Basha!
Rezultatin nuk e ndryshoi as bashkëmendimtari i Stalinit, Ismail Kadare me një letër idiote që i kërkonte Bashës të tërhiqej, që ishte dhe pika e kthesës të ndryshonte strategji!
Lekë dhe Like!
Saliun nuk e rrëzonte dot nga pushteti me votim, por kjo nuk do të thoshte se Edi Rama nuk i merr dot zgjedhjet!
Duke përdorur aromën e lekut, që aleati i Saliut, Ilir Meta i njohur me emrin e famshëm të biznesit, Like, e kishte për zët, Edi Rama fillimisht e bëri Liken kundërshtar të Saliut, e më pas me shkuesinë e Beogradit edhe partner të koalicionit i cili do të filloj qeverisjen nga zgjedhjet e vitit 2013!
Strategjia e Lekut korri sukses si në vitin 2017 me lekë droge ashtu dhe në vitin 2021 me lekë Lali Eri, por kur Saime Qorri përundoi në burg ashtu si dhe Lali Eri, Edi Rama u përplas me një realitet të ri ku nuk po dilte dot as në një selfie sepse ishte i rrethuar vetëm me të akuzuar!
Nuk kishte më njerëz që ndërmjetojnë as për të blerë FBI-në as për të shkatërruar opozitën edhe pse kishte lekë, Liken e kishte hedhë në fund të pusit ashtu dhe të gjithë ata që i krijuan ndjesinë se po qeverisë, gjithsesi Edi Rama mendoi se është më i zoti edhe në vitin 2025!
Gara për mandatin e katërt për Kryeministër tregoi se Stalinin nuk e bënë më dot pa kriminelët e Sorosit ndërsa flluska “pasaporta evropiane” mori goditje ende pa filluar mirë fushata!
Një praktikante e fesë islame që e përdori në hapje të fushatës duke e ulur në krah me mbulesën që kishte ajo, do të tregoi se vërtetë ishte prurje e re në Partinë Socialiste por edhe e sinqertë ndonëse kishte përqafu ideologjinë komuniste.
“PS e ka parasportën evropiane si Kalë Troje”, tha ajo në një paraqitje televizive dhe ndonëse u mundua t’a korrigjoj pas reagimeve që kishte në celular, të gjithë e kuptuan qëllimin e Edi Ramës sapo kishte filluar fushata!
Dhe, Edi Rama iu kthye kllounizmit, atë që dinë të bëjë më së miri! Mori nëpër gojë gjithë dynjanë, ofendoi me fjalët më të rënda rivalin e tij politik, Sali Berisha, por nuk arriti të ndryshoi rezultatet e sondazheve që po i vinin, dhe, për fat të keq, jo vetëm atij!
Edi Rama filloi të fundoset, numërimi mbrapsht filloi!
Dolën ca sondazhe që nuk ishin bindëse sikur kundërshtar ta kishte Taulantin, dhe nga ana tjetër që vazhdonte sulmin ndaj Partisë Demokratike edhe duke rritë në sondazhe përqindjet e partive të reja. Në këtë luftë me sondazhe u mundua ta paraqes ish-deputetin e PD, Agron Shehaj, shumë më të dashur se Kryetarin e PD, Sali Berisha, po shifrat e painteresuara për botën e tij e tradhtuan; Agron Shehajn e donte Shqipëria më shumë, por, jo vendlindja e tij Vlora, por ky nuk ishte shqetësimi i Sali Berishës që po shikonte me qetësi fundojen e Edi Ramës, ku as Agroni nuk e shpëton dot!
U publikua nga institucionet amerikane një kontratë me vlerë 6 milionë dollarë për interes të PD për lobimin në SHBA ku për garant kishte biznesmenin shqiptaro-amerikan Nuredin Seci! Artileria propagandistike e Edi Ramës iu vërsulë Nuredin Secit nga Tropoja se ku i mori ai 6 milionë dollarë për 30 vjet sa ishte në Amerikë, por, e shkujdesur nga ana tjetër që propagandohej një njeri fisnik që për 30 vjet arriti të fitoi 80 milionë euro dhe quhej Agron Shehaj! Për Partinë e Edi Ramës, të qenurit nga Zona e Parë Operative edhe është finsikëri por jo edhe për çdo njeri normal që bukës i thotë bukë, dhe ujit – ujë!
Kreu i KQZ, Ilirian Celibashi nuk i hodhi benzinë këtij zjarri vetëm se bëri të qartë se 60 ditë pas shpalljes së rezultatit do të verifikohet kontrata prej 6 milionë dollarësh për interes të PD e garantuar nga Nuredin Seci, ndërsa Edi Rama vazhdoi sulmet me vjellje kundër kundështarit politik dhe me sondazhet që nuk pushonin!
Kur kurba e Edi Rama po shënonte rënie të frikshme, Edi Rama, ky dishepull i kriminelit Stalin papritmas shfaqet me rolin e dishepullit të komedianit Robert Orben, duke vënë në siklet edhe ata që ia kanë idenë se çfarë është sondazhi!
Barometri, përkundër një të kaluare të suksesshme e nxori Edi Ramën me partinë e tij, edhe pas tre mandateve shumë të këqija, si fituese me 48 % të votave!
Kjo kompani nuk do të mund ta sqaroj sa të jetë jeta se nga i doli ky rezultat që tani ka vënë në siklet edhe manipulatorin zgjedhor Edi Ramën që ta arrijë, por komediani amerikan, Robert Orben e ka thënë shumë kohë më parë:
A keni pasur ndonjëherë ndjesinë se e vetmja arsye pse kemi zgjedhje është në të vërtetë për të zbuluar nëse sondazhet ishin të sakta?
