Sekretari i Shëndetësisë i Trump: OBSH po vdes. I ftoj edhe të tjerët të dalin nga kjo organizatë
Sekretari i Shëndetësisë dhe Politikës Sociale i SHBA, Robert F. Kennedy Jr. e quajti Organizatën Botërore të Shëndetësisë, OBSH, një institucion të fryrë burokratikisht që po vdes.
Kennedy i bëri këto komente përmes një videomesazhi të shfaqur para zyrtarëve të shëndetësisë që u takuan sot në Asamblenë vjetore të organizatës në Gjenevë.
Edhe pse Shtetet e Bashkuara janë donatori kryesor i agjencisë së OKB-së, përfaqësuesit e saj njoftuan tërheqjen e tyre ditën e parë që Donald Trump mori detyrën, duke e lënë organizatën me një deficit të madh buxhetor që anëtarët e saj po kërkojnë ta adresojnë përmes reformave në asamblenë e kësaj jave.
“U bëj thirrje ministrave të shëndetësisë nga e gjithë bota dhe OBSH-së që ta kuptojnë tërheqjen tonë nga organizata si një thirrje zgjimi,” tha ai përmes videos së regjistruar për Fox News, e cila u transmetua më pas në asamblenë në Gjenevë.
Like many legacy institutions, the WHO has become mired in bureaucratic bloat, entrenched paradigms, conflicts of interest, and international power politics. While the United States has provided the lion’s share of the organization’s funding historically, other countries such as… pic.twitter.com/VvWbVBkb6M
— Secretary Kennedy (@SecKennedy) May 20, 2025
“Ne tashmë kemi qenë në kontakt me shtetet me të njëjtat mendime, kështu që i inkurajojmë të tjerët të shqyrtojnë mundësinë dhe të na bashkohen,” tha ai.
Fjalimi i tij nuk shkaktoi asnjë reagim nga anëtarët e Asamblesë. Diplomatët dhe ministrat e ndoqën fjalimin kryesisht në heshtje.
Ndryshe, fjalimi i Kennedyt u transmetua disa orë pasi anëtarët e OBSH-së miratuan sot një marrëveshje që duhet t’u lejojë atyre të përgatiten në mënyrë më efektive për pandemitë e ardhshme.
Pakti siguron që ilaçet, terapitë dhe vaksinat të jenë të disponueshme globalisht kur të ndodhë pandemia e ardhshme. Gjithashtu kërkon që prodhuesit që marrin pjesë në marrëveshje të dhurojnë 20 për qind të vaksinave, ilaçeve dhe testeve të tyre në OBSH gjatë pandemisë për të siguruar edhe vendet më të varfra të kenë akses.
