Bisedimet e paqes për Ukrainën, Erdogan: Trump do të vijë, nëse vjen edhe Putin!

Presidenti turk, Recep Tayyip Erdogan, tha se homologu i tij amerikan, Donald Trump, i ka konfirmuar se do të marrë pjesë në bisedimet e mundshme të paqes midis udhëheqësve të Ukrainës dhe Rusisë në Turqi, nëse edhe kreu i shtetit rus, Vladimir Putin, pranon të marrë pjesë.

Pas kthimit nga Samit i NATO-s në Hagë ku u takua me Presidentin Trump për herë të parë që kur ky u kthye në Shtëpinë e Bardhë, Erdogan tha se i kishte thënë presidentit amerikan se Ankaraja synonte të mblidhte udhëheqësit rusë dhe ukrainas në Turqi për bisedime paqeje.

“Trump tha: ‘Nëse Presidenti rus Vladimir Putin vjen në Stamboll ose Ankara për një zgjidhje, atëherë do të vij edhe unë’,” citoi sot Presidentin e SHBA, Zyra e Presidentit Erdogan.

Presidentit të Shteteve të Bashkuara, Donald Trump, Presidenti turk Recep Tayyip Erdogan i tha se do të bëhen kontaktet e nevojshme për të mbajtur takimin sa më shpejt të jetë e mundur.