Vala e të nxehtit në Evropë, në Spanjë 46°C
Vala e të nxehtit vazhdon të përfshijë pjesë të mëdha të Evropës, ndërkohë autoritetet në shumë vende që lëshojnë paralajmërime shëndetësore për shkak të nxehtësisë së padurueshme. Spanja Jugore është më e goditura, me temperatura mbi 40°C të regjistruara në Sevilje dhe zonat përreth.
Sipas shërbimit kombëtar meteorologjik spanjoll, një rekord i ri i temperaturës së qershorit prej 46 °C u shënua në qytetin El Granado të shtunën. I njëjti burim tha se ky muaj mund të bëhet dhe qershori më i nxehtë i regjistruar ndonjëherë.
⚠️ Récord nacional de temperatura para junio.
— AEMET (@AEMET_Esp) June 28, 2025
→ El día 28 se han alcanzado 46 °C en El Granado (Huelva). El dato, pendiente de validación, supondría la temperatura más alta medida en España en junio desde que hay registros.
→ Supera los 45.2 °C de Sevilla (junio de 1965) pic.twitter.com/0Qb1KJir3W
Paralajmërime të kuqe për nxehtësi ekstreme janë në fuqi në pjesë të Portugalisë, Italisë dhe Kroacisë, ndërsa paralajmërime të shumta portokalli mbulojnë zona të Spanjës, Francës, Austrisë, Belgjikës, Bosnje Hercegovinës, Hungarisë, Serbisë, Slovenisë dhe Zvicrës, raporton BBC.
Një pastruese rrugësh vdes në Barcelonë
Një grua vdiq në Barcelonë pasi mbaroi turnin e saj si pastruese rrugësh të shtunën, kur temperaturat ishin shumë të larta. Qeveria lokale po heton rrethanat e vdekjes së saj.
Në Itali, departamentet e urgjencës së spitaleve në të gjithë vendin kanë shënuar një rritje të rasteve të goditjes nga nxehtësia, kryesisht midis “të moshuarve, pacientëve me kancer ose personave të pastrehë,” tha për AFP Nënkryetar i Shoqatës Italiane të Mjekësisë së Urgjencës, Mario Guarino.
Spitale të tilla si Ospedale dei Colli në Napoli kanë krijuar protokolle të posaçme për trajtimin e goditjes nga nxehtësia për t’u dhënë pacientëve akses në terapitë kryesore, të tilla si zhytja në ujë të ftohtë, sa më shpejt të jetë e mundur.
Slovenia regjistron temperaturën më të lartë në histori
Qyteti i Bologna hapi shtatë strehimore me ajër të kondicionuar me ujë të pijshëm, ndërsa Roma lejoi njerëzit mbi 70 vjeç të hynin falas në pishinat e qytetit.
Një farmacist në kryeqytetin portugez, Lisbonë, tha për Agjencinë e lajmeve Reuters se ata tashmë kanë raste të goditjes nga nxehtësia dhe djegiet, pavarësisht paralajmërimeve për të qëndruar brenda gjatë pjesës më të nxehtë të ditës.
Vala e të nxehtit goditi edhe Ballkanin Perëndimor, me temperatura që tejkalonin 40°C . Serbia regjistroi temperaturën e saj më të lartë më 26 qershor që nga fillimi i regjistrimeve në shekullin e XIX-të. Slovenia regjistroi temperaturën e saj më të lartë të qershorit të shtunën. Maqedonia e Veriut u godit gjithashtu nga nxehtësia ekstreme, me temperatura që arritën në 42°C të premten.
HISTORIC HEAT IN SLOVENIA
— Extreme Temperatures Around The World (@extremetemps) June 27, 2025
Yesterday new national record of June highest tempeture with 38.4C.
Nearly all stations in the country (similarly to Croatia,Serbia and Bosnia) broke their monthly records.
Tables by Arso Vreme pic.twitter.com/hzZ0R88jyZ
Në Londër, sot deri në 35°C
Temperaturat do të vazhdojnë të rriten në disa zona deri në mesin e javës, me një valë të re të nxehti që pritet në Francë, Gjermani, Itali dhe Mbretërinë e Bashkuar gjatë ditëve të ardhshme. Paralajmërime portokalli dhe të verdha ishin në fuqi në disa pjesë të Anglisë këtë fundjavë, ndërsa në Londër sot temperatura pritet të arrijë 35°C.
Nxehtësia është rritur nën një zonë të madhe me presion të lartë me ajër të thatë që zbret dhe ngrohet. Ndërsa ky proces ka vazhduar për disa ditë, temperaturat po rriten gradualisht. Zona e presionit të lartë do të lëvizë drejt lindjes gjatë ditëve të ardhshme, duke sjellë temperatura të larta në veri dhe lindje.
Ndërsa është e vështirë t’i atribuosh drejtpërdrejt ngjarjet individuale ekstreme të motit ndryshimeve klimatike, valët e të nxehtit po bëhen më të shpeshta dhe intensive pikërisht për shkak të këtij ndryshimi.
Shkencëtarët në organizatën World Weather Attribution, e cila analizon ndikimin e ndryshimeve klimatike në motin ekstrem, thonë se valët e të nxehtit të qershorit me tre ditë radhazi mbi 28°C tani janë rreth dhjetë herë më të mundshme sesa në kohët paraindustriale.
