Kodi i ri Penal, hapet porta për lirimin e vrasësit të Azem Hajdarit
Ndërsa qytetarët prisnin një Kod të ri Penal i cili do të ndalonte vjedhjen, kultivimin dhe trafikimin e drogës, dhe vrasjen nga njerëzit me pushtet ose edhe më keq fare nën uniformë, konfiskimin e pasurisë së zyrtarëve që me dënimin me disa vite burg i hidhet hi syve të publikut se ka edhe të dënuar, si dhe mbrojtjen e atyre njerëzve me pushtet ose nën uniformë që i dalin përballë gjithë këtyre fenomeneve negative që kanë përmbytur shoqërinë shqiptare, udhëheqësi i grupit të ekspertëve që punuan për këtë Kod të ri, Drejtori i Shkollës së Magjistraturës, Arben Rakipi, na prezantoi dje Draftin e Kodit të ri Penal që nxit këto dukuri në veçanti të njerëzve me pushtet dhe uniformë duke përfshi dhe ndërhyrjen në procesin e dekriminalizimit që nuk i jep zgjidhje por e paralajmëron ndëshkimin për shkeljen e dytë.
Por, ajo që ra në sy dhe media e heshti, ndonëse Arben Rakipi iu referua edhe përgatitjes korrekte për ta pritur me legjislacion penal të gatshëm për integrimin në Bashkimin Evropian, ishte aplikimi për lirimin parakohe me kusht për personat e dënuar me burgim të përjetshëm.
Bazuar në përvojën e Apelimit dhe faljes së dënimeve që zakonisht u bënë në varësi të pagesës meqë edhe Kodi aktual e ka lirimin pas 25 vuajtje të dënimit, futja e duarve në këtë Kod nuk është pa qëllim, dhe pavarësisht se çfarë tha udhëheqësi i këtij grupi të ekspertëve, ka vetëm një qëllim: Detyrimin ndaj atij i cili kreu krim me urdhër nga shteti dhe vuan dënimin me burgim të përjetshëm: Jaho Salihi, vrasësi i Azem Hajdarit!
“Ne kemi pasur në ligj disa pengesa që lidhen me lirimin parakohe me kusht sa lidhet me burgimin e përjetshëm. Ne dolëm në përfundimin që “Po” mund të aplikojmë lirimin parakohe me kusht për dënimin me burgim të përjetshëm. Është një propozim shumë i guximshëm, debati ka qenë i fortë. Sepse këtu mpleksen shumë gjëra, një pjesë së cilës janë viktima, procesi i edukimit, paqja sociale, shkalla e kriminalitetit në vend. Nisur nga besimi që edhe personalisht kam, që njerëzit ndryshojnë përmirësohen, nëse kushtet me të cilët vendosen edhe puna me ta është e efektshme,” tha Arben Rakipi, njeriu i cili ishte Prokuror i Përgjithshëm i Shqipërisë kur ndodhi vrasja e shekullit dhe drejtësia dështoi në zbardhjen e vrasjes nga shteti të Azem Hajdarit, duke i lënë vrasësit të eliminohen në mes veti pikërisht ashtu siç sugjeroi Kryeministri aktual Edi Rama: “Hëngshin kokat e tyre!”
Kodi i ri Penal mund të jetë dhe përgjigje ndaj detyrimeve të këtij shteti kriminal që ka për ata që kanë përfunduar burg duke zbatuar urdhrat e kësaj kaste politike komuniste, por në asnjë mënyrë, siç thotë Arben Rakipi, eksperiencë e përditshme që ndodh gjithandej.
Ndërsa sa i përket besimit personal që ka Arben Rakipi, se njerëzit ndryshojnë, përmirësohen, është e çuditshme se si ky Grup që vrau Azem Hajdarin nuk ndryshoi dhe as nuk u përmirësua për 6 vjet që të vras kriminelin Ramiz Alia, që ishte dhe burimi i të gjithë të këqijave, por iu qep për vite dhe e la të vdekur tribunin e demokracisë!
Ashtu siç ndodhi dhe me kreun operativ të IMT, Fatmir Metaj, i cili ishte pjesë e grupit të vrasjes së Azem Hajdarit, i cili u pa në operacionit e fundit në Theth, se as nuk kishte ndryshuar dhe as nuk ishte përmirësuar edhe pse ishte në petkun e shtetarit dhe jo në burg; Dhe, ndonëse kanë kaluar 27 vjet, ata që nuk ishin komunist, Fatmir Metaj sërish i shante si nga nëna ashtu edhe nga motra!
Dhe, përveç kësaj porte të lirisë që hapet për vrasësin e Azem Hajdarit, lirimi i parakohshëm me kusht për ata që vuajnë dënimin me burgim të përjetshëm është edhe një hapje plage për të gjithë familjarët e policëve të vrarë në detyrë kur vrasësit edhe sot kapardisen para tyre në gjykata, si dhe atyre familjarëve që kanë humbur të dashurit e tyre pasi janë përdhunuar, dhe, nuk kanë dëgjuar asnjë kërkimfalje, sot, mund ti shohin këta kriminel duke fërkuar duart me Kodin e ri!
“Mund të krijojë debate sidomos në ato çështje që kanë një karakter social mjaft të fortë. Presim të dalim më një zgjidhje të përbashkët. Këtë urim e kam më të gjithë specialistët që ta marrin me seriozitet dhe ta lexojnë me përgjegjësi, të analizojnë konceptin në mënyrë të përgjegjshme,” tha udhëheqësi i ekspertëve që hartoi Kodin e ri Penal me fjalorin e kreut të Reformës së Drejtësisë, Fatmir Xhafaj, Reformë e cila u ideua dhe zbatua vetëm për të larguar nga sistemi i Drejtësisë ata që nuk mendojnë si Edi Rama!
Rritja e kriminalitetit nga viti 2016, si në administratë publike ashtu dhe trafikun e drogës dhe qenieve njerëzore, tregon se Reforma në Drejtësia ka dështuar, ndonëse kjo nuk e ndalon asnjë njeri në botë që t’i shpërndanë Mirënjohje, institucionit më të turpshëm të kësaj Reforme, SPAK!
Në fund, Dekriminalizimi aq shumë i përfolur nga i cili janë ndaluar vetëm të kandidojnë ata që janë kapur nga opozita se kanë shkelur ligjin, por nuk ka ndjekje penale në asnjë rast, pikërisht ashtu siç e parashikon Ligji!
Madje në prezantimin e këtij Drafti, kur Arben Rakipi shpjegoi shkeljet e punonjësve të Administratës së Tatimeve, vërejmë që nga kjo administratë e kalbur e Edi Ramës është përsërit shkelja edhe pasi është vlerësuar administrativisht shkelja e parë.
“Një tjetër risi tjetër që doja ta përmendja lidhet me një proces dekriminalizimi që ne kemi bërë për një grup vepre të fushës së Tatim Doganave si tendencë që jep autoritet administratës publike në raport me shkeljet e para të vërtetuara. Ne kemi ndjekur alternativën që administrata tatimore dhe autoriteti tatimor do të vlerësojnë administrativisht shkeljet e para dhe nëse shkeljet e dyta do të pikasen atëherë merr juridiksion sistemi i drejtësisë penale”, u shpreh udhëheqësi i grupit të ekspertëve që punuan për këtë Kod të ri, Arben Rakipi, duke treguar se sa e pashpresë është situata për këtë vend kur Kodin e hartojnë komunistët:
“Nëse shkelja e parë, që në rrugë të zakonshme vlerësohet nga pikëpamja administrative, është me nivel të lartë shmangie evazioni, sjell kompetencën e prokurorit të ushtrojë ndjekjen penale pavarësisht zgjidhjes së rregullit që përshkrova. Nga pikëpamja praktike, do të ulë numrin e çështjeve por do të shtojë edhe përgjegjësinë e organeve përkatëse.”
Ndërsa Ministri i Drejtësisë, Ulsi Manja, ishte ai që e vulosi këtë Kod të ri Penal me mendësi komuniste dhe larg të qenurit shqiptar sepse për evropian as që bëhet fjalë, duke thënë me gojën e tij se ky Draft nuk kishte lidhje me Qeverinë dhe në të njëjtin moment i bëri thirrje opozitës që të kontribuojë me ekspertizë.
“Një ftesë të veçantë dua t’i drejtoj opozitës së vendit tim, të kontribuojë me ekspertizë dhe pjesëmarrje aktive në tryezat e konsultimit publik. Në BE shkon Shqipëria jo vetëm qeveria apo një forcë e caktuar politike.”
S’kemi parë gjë akoma…
