Albin Kurti në SHBA për Asamblenë e OKB-së dhe takime me diasporën

Kryeministri në detyrë, Albin Kurti, ka udhëtuar për në New York ku do të zhvillojë takime dypalëshe me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.

Gjithashtu, thekson njoftimi i Zyrës së Kryeministrit, gjatë qëndrimit në Shtetet e Bashkuara, ai do të takojë pjesëtarë të komunitetit shqiptar në SHBA dhe përfaqësues të shoqatave të diasporës.

“Kryeministri në detyrë i Republikës së Kosovës, Albin Kurti, ka udhëtuar për në New York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara. Gjatë qëndrimit atje, gjithashtu do të takojë pjesëtarë të komunitetit shqiptar në SHBA dhe përfaqësues të shoqatave të diasporës,” thuhet në njoftimin e zyrës së Kryeministrit.

Përmes pjesëmarrjes në Javën e Nivelit të Lartë dhe takimeve të parapara, qeveria thotë se synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj.