Sfidat e paqes, Izraeli refuzon të lirojë udhëheqësin më të popullarizuar palestinez
Kanë kaluar 24 orë që kur armëpushimi midis Izraelit dhe Hamasit, i arritur si pjesë e një marrëveshjeje të ndërmjetësuar nga SHBA-të dhe të miratuar nga qeveria izraelite në fillim të kësaj jave, hyri në fuqi, Presidenti Donald Trump, tha se ekziston një konsensus kryesisht midis Izraelit dhe Hamasit mbi hapat e ardhshëm të planit të tij të armëpushimit në Gaza, ushtarët amerikanë filluan të mbërrinin në Izrael gjatë natës si pjesë e një force që do të ndihmojë në monitorimin e armëpushimit në Gaza, por me shkëmbimin e të burgosurëve ka dal një problem që nuk është aq i vogël: Izraeli refuzon të lirojë udhëheqësin më të popullarizuar palestinez, Marwan Barghouti, dhe Hamasi thotë se Izraeli ka ndryshuar listën e të burgosurëve që do të liroj!
Refuzimi i Izraelit
Izraeli refuzon të lirojë udhëheqësin më të popullarizuar palestinez, Marwan Barghouti, që thuhet se është dhe njeriu që mund të bashkonte të gjithë palestinezët.
Marwan Barghouti, 66 vjeç, që sot rezulton se nuk është midis të burgosurve që Izraeli synon të lirojë në këmbim të pengjeve, është udhëheqësi i Fatahut, rivalit kryesor politik të Hamasit, dhe shihet si një pasardhës i mundshëm i Presidentit Mahmoud Abbas, i cili drejton Autoritetin Palestinez në Bregun Perëndimor.
Hamasi këmbëngul në lirimin e tij, tha për Al Jazeera zyrtari i lartë i Moussa, Abu Marzouk, por Izraeli e konsideron atë terrorist.
Disa ekspertë argumentojnë se Izraeli i frikësohet Barghoutit për një arsye tjetër: si një avokat i zgjidhjes me dy shtete, megjithëse ka mbështetur rezistencën e armatosur ndaj pushtimit, Barghouti mund të bëhet një figurë unifikuese për palestinezët.
Izraeli ka zëvendësuar 100 emra në një listë të të burgosurve që Hamasi kishte kërkuar të liroheshin si pjesë e një marrëveshjeje armëpushimi në Gaza, tha një burim nga grup për Ynet.
Sipas burimit, Izraeli “e ndryshoi të gjithë listën në një mënyrë të sofistikuar dhe dinake”, pa specifikuar se cilët të burgosur u zëvendësuan.
Kush është Marwan Barghouti?
I lindur në Bregun Perëndimor, Marwan Barghouti udhëhoqi protestat studentore kundër pushtimit izraelit ndërsa studionte në Universitetin Bir Zeit. Më vonë ai u bë një nga organizatorët e intifadës së parë palestineze, e cila shpërtheu në dhjetor 1987.
Izraeli më pas e dëboi atë në Jordani, por ai u kthye në Bregun Perëndimor në vitet 1990 si pjesë e marrëveshjeve të ndërmjetme të paqes që kishin për qëllim të hapnin rrugën për krijimin e një shteti palestinez.
Ai u bë udhëheqësi i Fatahut në Bregun Perëndimor dhe kur shpërtheu intifada e dytë, Izraeli e akuzoi atë si udhëheqësin e Brigadave të Martirëve të Al-Aksas, një rrjet i lirshëm i grupeve të armatosura të lidhura me Fatahun që kryenin sulme ndaj izraelitëve.
Barghouti nuk ka komentuar kurrë për lidhjet e tij me Brigadat. “Unë nuk jam terrorist, por as pacifist”, shkroi ai në një artikull për The Washington Post në vitin 2002.
Menjëherë pas kësaj, Izraeli e arrestoi atë dhe në gjyq ai refuzoi të mbrohej, sepse nuk e njihte autoritetin e gjykatës izraelite. Ai aktualisht po vuan dënime të shumta me burgim të përjetshëm pasi u dënua në vitin 2004 në lidhje me sulmet në Izrael që vranë pesë persona.
Në burg, ai udhëhoqi më shumë se 1,500 të burgosur në një grevë urie 40-ditore, duke kërkuar kushte më të mira.
