PD, ç’ka qenë, ç’është dhe ç’do të bëhet!
nga Agim Popoci
Pas zgjedhjeve të turpshme të 11 Majit, shkarkimit të Kryetarit të arrestuar të Bashkisë Tiranë, Erion Veliaj, dhe vendimit të Kryesisë së Partisë Demokratike për të marrë pjesë në zgjedhjet për të parin e Tiranës duke mbështetur një kandidat të pavarur, pika që derdhi gotën e zemërimit nëpër të cilën po kalojnë sot demokratët shqiptarë ishte paralajmërimi me plotë entuziazëm i Kryetarit të PD, Sali Berisha, për mundësinë e kandidimit edhe për Kryeministër me një kandidat të pavarur!
A nuk ka sot një kandidat për Kryetar të Bashkisë Tiranë një parti e votuar me shumë sakrifica dhe guxim nga 600 mijë qytetarë, pse PD duhet i nënshtrohet terrorit shtetëror dhe mediatik të Edi Ramës për ti ardhur edhe turp që ekziston, pse PD nëpërkëmbi gjithë pjesëmarrësit e Kuvendit të 11 dhjetorit 2021 që me shumë sakrifica ringjallën Partinë e tyre Demokratike, dhe, pse sot ata në partinë e tyre janë njerëzit më të nënshtruar nga llumi demokrat që luftoi liderin e tyre Sali Berisha, në krye me Kryetarin e Partisë Socialiste, Edi Rama, janë të gjitha këto pyetje që nuk vënë në pikëpyetje vetëm ekzistencën e PD por dhe të atdheut tonë, Shqipërisë!
Sot, nëse Shqipërisë i ka mbetur një rrugë e vetme për të shpëtuar nga Tanzimati i Edi Ramës dhe Reformat që ai ndërmori nga viti 2013 e deri më sot, për ta shndërruar tokën shqiptare në një shtet ku është e pamundur të jetohet nëse nuk je kriminel komunist, Partia Demokratike duhet ti kthehet qëllimit që u formua dhe jo të bëhet një Parti Socialiste e dytë!
Ç’ka qenë…
Është absurde për një të huaj që sot të dëgjoj se pas 35 vjet tranzicioni sot qëllimi kryesor i Partisë Demokratike duhet të jetë lejimi i pluralizmit, por jo për një demokrat që në rrugëtimin e tij e pa nga 12 dhjetor i vitit 1990, se Partia e Punës ndërroi emrin në Parti Socialiste por sot është po aq kriminale, dhe në disa segmente shoqërore edhe më e zezë!
Nga zgjedhjet parlamentare të 22 marsit të vitit 1992 kur Partia Demokratike fitoi shumicën dhe filloi të qeverisë, në gjirin e saj kishte të përndjekurit politik, pronarët dhe gjithë atë klasë intelektuale dhe jo vetëm, që botën e shikonte ndryshe nga ata që nuk kishin dëshirë ta bënin botën shqiptare ndryshe nga Enver Hoxha!
Ndërtimi i ekonomisë së tregut të lirë, sundimi i ligjit, sistemi demokratik zgjedhor dhe hapja ndaj botës ishin fillimet e suksesshme të qeverisë demokratike që lanë gjurmë në mirëqenien shqiptare, por, përkundër faktit që u bë pjesë e Partnerit për Paqe dhe Këshillit të Evropës, PD nuk bëri lustrimin e administratën shtetërore, mungesë kjo e reformës që krijoi një konflikt social ku çdo i përndjekur ose pronar i plaçkitur nga komunistët, detyrohej të përballej me persekutorët e tyre, në instituiconet ku kërkonin të drejtën e tyre!
Rezultati i prezencës së këtyre kriminelëve në administratë shtetërore, ushtri e polici, u bë i dukshëm në vitin 1997 kur komunistët nuk e morën pushtetin sepse ata ishin në arteriet e këtyre pushteti, por vetëm sa nxorën kokën, dhe treguan se ishin aty!
Nëse kësaj i shtojmë dhe neglizhencën e demokratëve për gjatë gjithë qeverisjes së PD, ku në shumë situata u krijuan dhe konflikte ndër demokratë vetëm falë propagandës kriminale komuniste, konflikti i armatosur që u organizua nga Sigurimi i Shtetit nuk ishte asgjë e papritur deri në rikthimin e komunizmit në pushtet!
Natyra kriminale e komunistëve bëri që ata ti kthehen krimit ndërsa Partia Demokratike në betejën e saj për t’u kthyer në pushtet u përballë me shumë sfida, ku propaganda ishte dhe mbeti kryefjala e luftës kundër PD dhe liderit të saj Sali Berisha.
Vrasja e simbolit të saj para selisë së PD, Azem Hajdari, dhe, menaxhimi i situatës pas këtij ekzekutimi kriminal mund të shërbejnë sot për leksione të demokracisë, por, me marrjen e pushtetit në vitin 2005 u pa se Partia Demokratike sërish nuk e kishte mendjen te Antikomunizmi!
Nëse PD dhe liderit të saj, Sali Berisha, padiskutim i njihen tri meritat më të mëdha në historinë e këtij vendi, liberalizimi i vizave, anëtarësimi në NATO, dhe Rruga e Kombit, duhet ti njihet edhe dëmi më i madh, trajtimi i të përndjekurve politik, pronarëve dhe neglizhenca ndaj propagandës komuniste!
Nëse kemi parasysh hapin e gabuar me dëmshpërblimet dhe jo futjes së të përndjekurve nën një skemë pensionale të paktën të barazvlefshme me persekutorët, trajtimin e veçantë të pronave të plaçkitura nga komunistët, degradimin e Ligjit komunist 7501 në tokat e bregdetit, hapjen e mediave kombëtare ekskluzivisht nga pronarë komunist, dhe trajtimit të gabuar që iu bë revulcionit bolshevik të 21 Janarit, rikthimi i kësaj partie kriminale në pushtet, vetëm befasi nuk ishte!
Ç’është…
Me ardhjen në pushtet të Edi Ramës, Reformat e Tanzimatit të tij sollën vetëm mjerim! Vendi mbeti pa drejtësi, ekonomi, sundim të ligjit ndërsa populli u shndërrua në trafikant droge!
“Shqiptarët, janë robër të poshtuar e t’unjurë, të shkelur e të çpërnderë,” thoshte Sami Frashëri në Programin e lëvizjes për të ardhmen e Shqipërisë kur vendi ishte nën sundimin e Perandorisë Osmane, ashtu siç është sot PD dhe gjithë shqiptarët nën sundimin e Edi Ramës.
Pasi iu mor vula dhe selia, iu përça anëtarësia, shumë prej tyre pronarë dhe të përndjekur politik që zunë vend në administratë, dhe, iu arrestua lideri i saj, Sali Berisha, PD me shumë sakrifica arriti të shkëputet nga kthetrat e këtij pushteti kriminal, por, jo të kthej dhe besimin ndër demokrat për fitore!
Mungesa e analizës së PD në vitin 2005 “Pse fitoi..” ashtu si dhe ajo në vitin 2013 “Pse humbi…” ndikoi në formatimin e një Partie Demokratike ndryshe, por, tani, me varfërinë për bukën që instaloi Edi Rama dhe një polici terrori, dhe terrorin mediatik që ka krijuat Partia Socialiste në opnionin, po hamendësohet nëse fjala e fundit që mund të jetë me interes ndër shqiptarë është, demokracia!
Por, sot, është fakt se janë tronditur thellë themelet e PD-së!
Demokratët jetojnë në një shtet që ka dy institute për të përndjekur politik dhe zbardhjen e krimeve të komunizmit, dhe që të dyja punojnë për të mos i shërbyer kësaj kauze, madje janë edhe në shërbim të Edi Ramës; Por, PD nuk ka ndryshuar mënyrën e veprimit ndaj këtij elektorati që edhe pa dashje u fut nën thundrën komuniste!
Propaganda e Edi Ramës arriti kulmin e saj duke i kompleksuar të përndjekurit politik me PD dhe liderin e saj Sali Berisha, dhe nuk u pa njeri të reagoi kur simboli i kësaj shtrese Simon Mirakal refuzoi të largoj firmën e Berishës nga kërkesa e tij për tu zgjedhur në Bordin e Autoritetit të Dosjeve të Sigurimit të Shtetit, ndërsa nuk reagoi kur po në këtë Bord u zgjodhën njerëz të Sigurimit!
Demokratët jetojnë në shtetin ku fjala pronë po shuhet edhe pse pronarët u bënë aleatë të Edi Ramës dhe vazhduan ta akuzojnë PD e Sali Berishën, dhe nuk u pa njeri të reagoj kur ky regjim pjelli ca pronar që në sistemin feudal ushtarak osman njiheshin si pronar të timarit, Spahi, dhe pandehur në sistemin e Edi Ramës dolën si Investitor Strategjik!
Sot demokratët jetojnë në shtetin ku regjimi në fuqi premtoi Shëndetësinë Falas ndërsa njerëzit po vdesin stolave të spitaleve, dhe shohin se PD nuk merr dot votat edhe pse këtë mjerim shëndetësor nuk e pa njeri me sy, gjatë qeverisjes demokratike!
Në kryeqytetin shqiptarë, sot, ku shumë prej demokratëve i ka blerë Edi Rama duke përfshirë edhe pasardhësit e një pjesë të antikomunistëve më të pakorruptueshëm që i rezistuan kohës, tironsve, kjo parti kriminale futet edhe në Kryesinë e PD, duke e bindur se një demokrrat nuk mund ti fitoj zgjedhjet për Kryetar të Bashkisë Tiranë!
Nuk dihet se sa i ekzaltuar është sot një komunist pse Florjan Binaj është kandidat i mbështetur nga PD për kryetar të Bashkisë Tiranë, por nuk ka demokrat të vërtetë nga Rithemelimi që të jetë entuziazmuar, siç po proklamohet nga disa prej anëtarëve të Kryesisë, sepse, thjeshtë është turp!
Nëse një anëtar i Kryesisë së PD e pranon se Partia Demokratike nuk ka një anëtar të denjë për Kryetar të Bashkisë Tiranë, ai duhet të shporret jo nga ai fron ku është ulur, por, nga selia e partisë!
Në fund, nëse Kryetari i PD, Sali Berisha, e kishte me gjithë mend idenë se edhe Kryeministri në të ardhmen mund të emërohet nga Shoqëria Civile, fillimisht le ta provon një kandidaturë për Kryetar të PD nga Shoqria Civile, dhe la të shohin në vepër demokratët se si funskionon një i pavarur në krye të partisë!
PD, ç’do të bëhet!
Pse e ardhmja e PD është e lidhur me të ardhmen e Shqipërisë sot e kuptojnë demokratët, që jo me fajin e tyre janë në mesin e katër rrugëve, por një gjë e kanë të qartë, Partia e tyre Demokratike nuk do të bëhet kurrë Shoqëri Civile, për t’ju bashkuar gjithë atij kontingjenti të shoqërive që ka krijuar Sigurimi i Shtetit pas 12 dhjetorit 1990, për ta luftuar dhe jo për ta rifreskuar PD-në!
A mund të qëndrojë Shqipëria si është?
Përgjigja është po ajo që e dha Samiu para lindjes së shtetit shqiptar, jo, dhe zgjidhja është, po ajo, pavarësisht se jetojmë në Tanzimatin e Edi Ramës ku shqiptarët nuk e kanë lirinë e fjalës as në Parlament, ndërsa e drejta e votës ashtu sikur se edhe ajo e jetës, është lënë në duart e patronazhistëve!
Demokratët, ashtu siç rithemeluan Partinë Demokratike duhet të rithemelojnë mendimin e tyre politik pa menduar kurrë paaftësinë që mund ti pushtoj në ndonjë moment zhgënjimi, natyrisht të dialogojnë edhe me ata që sot e qeverisin këtë pushtet të kalbur vetëm e vetëm për të mirën e atdheut tonë, por, duke mos harruar kurrë sugjerimin e Sami Frashërit nga Programi i tij:
“Shqiptarët duhet t’i marrin ato që duan me pahir, t’i kërkojnë me fjalë, po të kenë edhe pushkën plot…”
