Parashikimi i motit, për datë 21 Nëntor, ja çfarë pritet

Parashikimi i motit, për datë 21 Nëntor:

Sot priten reshje intensive deri lokalisht shumë intensive në qarqet Vlorë dhe Gjirokastër, ndërsa në qarqet Shkodër, Fier dhe Korçë priten reshje mesatare deri lokalisht intensive.

Në qarqet e tjera priten reshje mesatare. Në të gjithë territorin reshjet do të shoqërohen me shtrëngata.

Në qarqet Fier, Korçë, Vlorë dhe Gjirokastër mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara.

Sipas llogaritjeve hidrologjike të Institutit Gjeoshkencave, si rezultat i reshjeve me intensitet të lartë, të rëna gjatë dy ditëve të kaluara, të cilat do të vazhdojnë deri ditën e Diel dt.23 Nëntor, do të ketë rritje të prurjeve dhe niveleve në lumenjtë e mëdhenj dhe të mesëm Mat, Shkumbin, Seman dhe Vjosë.

Lumi Vjosa do të vazhdojnë të kenë rrezik të shtuar për përmbytje me prurje dhe nivele të larta në vazhdim të ditës së sotme dhe të nesërme.

Era pritet të fryjë mesatare deri e fortë kryesisht në bregdet.

Temperaturat minimale dhe maksimale:

Në bregdet: 13 / 17 °C

Në vendet e ulëta: 13 / 16 °C

Në vendet malore: 8 / 12 °C