Përfundon numërimi i votave, Lëvizja Vetëvendosje fituese me 51.11%

Komisioni Qendror i Zgjedhjeve ka publikuar rezultatet e zgjedhjeve për Parlamentin e Kosovës, të mbajtura më 28 dhjetor, ku Lëvizja Vetëvendosje rezulton fituese me 51.11 për qind e votave ose 57 ulëse në parlmaent.

Zëdhënësi i Komisionit Qendror të Zgjedhjeve, KQZ, Valmir Elezi, ka njoftuar se sot në orët e hershme të mëngjesit, është përmbyllur numërimi i pjesës së fundit të fletëvotimeve nga votimi me postë jashtë Kosovës.

Sipas Elezit, procesi i numërimit në Qendrën e Numërimit dhe Rezultateve, QNR, ka përfunduar rreth orës 02:00, duke shënuar kështu përmbylljen e plotë të numërimit të të gjitha fletëvotimeve nga zgjedhjet e parakohshme për Parlamentin e Kosovës, të mbajtura më 28 dhjetor 2025.

Me përfundimin e këtij procesi, KQZ ka bërë të ditur se është e gatshme për shpalljen e rezultateve përfundimtare të zgjedhjeve. Megjithatë, sipas Ligjit për Zgjedhjet e Përgjithshme, subjektet politike kanë të drejtë të parashtrojnë ankesa në Panelin Zgjedhor për Ankesa dhe Parashtresa, PZAP, lidhur me administrimin e procesit të numërimit në QNR, brenda afatit prej 48 orësh nga ndodhja e shkeljes së supozuar.

Kështu me përfundimin e numërimit të votave, Parlamenti i ri i Kosovës me 120 deputetë ka këtë përbërje:

Ndryshe, pjesë marrja në zgjedhjet e 28 dhjetorit 2025 ishte 45 për qind.