SPAK kërkon ta arrestoj për vjedhje, Belinda Balluku flet për 2 miliardë investime private
Ndërkohë që SPAK kërkon ta arrestoj Zv/Kryeministren dhe Ministren e Infrastrukturës dhe Energjisë, Belinda Balluku, dhe Partia Shtet nuk jep leje, çdo ditë vonese për arrestimin e Balluku shton veprat penale që njeriu më i pushtetshëm pas Kryeministrit Edi Rama ka kryer në emër të kësaj qeverie kriminale, por sot ajo flet edhe për investimet private në burime të rinovueshme të energjisë viteve të fundit kanë arritur në rreth 2 miliardë euro.
Sot dihet se projekti i parë eolik që do të zbatohet në zonën e Tropojës do bëhet nga kompania CWP e cila parashikon një park me kapacitet të instaluar 600 MW, por ende nuk dihet nëse banda e Belinda Ballukut ka gllabëruar gjë ndërsa pret të konfirmohet në parlament, ashtu siç u zotua Kryeministri Edi Rama, që të mos lejohet arrestimi i saj.
“Parku eolik i Tropojës nuk është thjesht një investim energjetik por simbol i transformimit që po përjeton Shqipëria, i një ekonomie më të qëndrueshme dhe më të hapur ndaj inovacionit. Sektori energjetik shqiptar po hyn në një fazë të re. Shqipëria po kalon nga varësia nga hidro në një model modern të balancuar energjetik ku diversifikimi i burimeve nuk është më një zgjedhje por domosdoshmëri strategjike.
E kemi nisur këtë rrugëtim në 2018 kur qeveria shqiptare fliste për diversifikimin. Krijimin e burimeve alternative siç ishin ato të energjisë diellore dhe më pas ato eolike. Ky tranzicion është realitet që po merr formë. Investime të huaja direkte janë treguesi më i lartë i stabilitetit ekonomik.
Vetëm në kohën e fundit mbi 1.5 mld euro investime private janë angazhuar ose janë në proces kryesisht në burime të rinovueshme në diellor dhe eolik dhe hidro me pak ndikim mjedisor,” tha Zv/Kryeministrja dhe Ministrja e Infrastrukturës dhe Energjisë, Belinda Balluku, duke përfunduar:
“Gjatë këtyre viteve në tërësi në sektorin energjetik shqiptar janë angazhuar mbi 2 mld euro investime dhe sot kemi mbi 700 MW kapacitete të reja energjetike private fotovolatike në operim dhe 400 më kapacitete të shtuara vetëprodhues e kemi një portofol të ardhshëm që pritet ti çojë në 1500 MW me teknologji fotovolatike dhe eolike.
Kemi mbi 1600 MW të reja depozituevse në fazë studimi dhe lehtësim financiar. Në energjinë e erës për herë të parë ne po hyjmë në ndërtimin konkret me parkun e CWP Tropojë.”
Përmes këtij projekti nuk përfitohet vetëm një burim i ri energjie por dhe njohuri, tha Kryeministri Edi Rama duke vazhduar qeverisjen me Zëvendësen e pandehur Belinda Balluku, i bindur se edhe ky investim shkon në drejtimin strategjik, por kështu nuk mendojnë edhe qytetarët që e panë se çfarë i ndodhë një projekti kur është strategjik.
“Koha kur Shqipëria duhet të dalë drejt tregut për të blerë energji po shkon drejt fundit dhe ne do jemi mes atyre pak vendeve që gëzojnë pavarësi të plotë për prodhimin e energjisë,” tha Edi Rama i bindur se në harkun e 12 muajve ky park i energjisë së erës në Tropojë të hyjë në rrjetin e prodhuesve të energjisë së rinovueshme në Shqipëri.
Ndryshe, më 16 dhjetor, Prokuroria e Posaçme kundër Korrupsionit dhe Krimit të Organizuar, ka paraqitur kërkesë për dhënien e autorizimit nga Parlamenti i Shqipërisë për arrestimin/ heqjen e lirisë së deputetit, ministrit, zv/kryeministrit, Belinda Ballukut
Belinda Balluku është marrë në cilësinë e të pandehurit në kuadër të procedimit penal nr.136 të vitit 2025, pasi akuzohet për kryerjen e veprës penale:
“Shkelja e barazisë së pjesëmarrësve në tendera apo ankande publike”, e kryer në bashkëpunim, e parashikuar nga nenet 258/2 dhe 25 të Kodit Penal, në lidhje me procedurën e prokurimit me objekt “Ndërtimi i tunelit të Llogarasë”.
Gjithashtu, Belinda Balluku ka marrë cilësinë e personit nën hetim për dyshimin e kryerjes së të njëjtës vepër penale për shtatë procedura të tjera prokurimi me objekt: “Plotësimi, rakordimi dhe vazhdimi i punimeve Sheshi Shqiponja-Lumi i Tiranës, Loti 1 dhe QMT”; “Ndërtimi i segmentit rrugor Sheshi Shqiponja-Bulevardi i Ri, Loti 2”; “Ndërtim i segmentit rrugor Sheshi Shqiponja-Bulevardi i Ri- Shkozë, Urat mbi lumin Tirana”; “Ndërtimi i Unazës së Jashtme Tiranë, Loti 4”; “Ndërtim i Unazës së Jashtme Tiranë, Loti 5”; “Ndërtim i Unazës së Jashtme Tiranë, Loti 6”; “Ndërtim i Unazës së Jashtme Tiranë, Loti 7”.
