Kushtetuesja pezullon Ballukun – PS nuk e respekton, Edi Rama: Zgjidhja, ndërhyrje në legjislacion!
Nuk ka gjallesë në Shqipëri dhe jo vetëm që e ka menduar se Kryeministri Edi Rama do ta respektoj Vendimin e Gjykatës Kushtetuese duke përfshirë dhe vetë trupën prej tetë anëtarëve që mori vendimin për vlefshmërinë e pezulllimit të Zv/Kryeministres dhe Ministres së Infrastrukturës, Belinda Balluku, por, nuk ka gjallesë në tokën shqiptare madje as ato amebat patronizhiste të rrjeteve sociale që i ushqen me paratë e krimit, që e ka menduar se ky njeri do të ndryshoj dhe legjislacionin për të mbrojtur një hajdute ordinere.
Por, jetojmë në Shqipëri, aty ku virusi i coronës luftohet me ushtri ndërsa ai belës me votë të kuqe kriminale, pikërisht ashtu siç e paralajmëroi shefi i Belës së Beqirit, me përfundimin e mbledhjes së Grupit Parlamentar të Partisë Socialiste, ku tha se dolën tre konkluzione:
“1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të pezullohen kurrësesi nga askush duke u nisur nga një emër i përveçëm, sepse pezullimi paralizon funksionin, pra institucionin që ai/ajo drejton.
2. Nisur edhe nga leximi i deklaratës publike të Gjykatës Kushtetuese, ku të gjithë anëtarët e trupës shfaqen unanimë lidhur me problemin, po ndahen tek rrugëzgjidhja, grupi parlamentar socialist do të angazhohet për zgjidhjen përmes ndërhyrjes në legjislacion.
3. E vetmja palë e përmbushur nga rikthimi i pezullimit është SPAK-u, që në kushtet e pezullimit mund të vazhdojë krejt qetësisht hetimin përkatës, ndërkohë që deri në adresimin ligjor të zgjidhjes nuk ka asnjë urgjencë për të trajtuar kërkesën që SPAK-u bëri pas rënies së masës së pezullimit,” u shpreh Edi Rama në reagimin etij përmes rrjetit social X me të përfunduar mbledhja e Grupit Parlamentar të PS.
3 konkluzione nga mbledhja e Grupit Parlamentar pas mosvendimit të Gjykatës Kushtetuese dhe rivendosjes së pezullimit të ministres nga :
— Edi Rama (@ediramaal) February 9, 2026
1. Funksionet e padelegueshme kushtetuese, nga ai i anëtarit të qeverisë tek ai i Presidentit të Republikës dhe jo vetëm, nuk mund të…
Dhe, nuk ka se si të jetë ndryshe, nga njeriu i cili Policinë Rrugore në Tiranë me të ardhur në pushtet e shkriu se pa një policë barkderrë, ndaloi gjuetinë sepse nuk e ndaloi dot gjuetinë e paligjshme, ndaloi prerjen e druve sepse nuk ndaloi dot prerejt e paligjshme, ndaloi nxjerrjen e inerteve sepse nuk ndaloi dot shfrytëzimin e pakontrolluar, mbylli Hipotekën në Vlorë sepse nuk ndaloi mbivendosjet e pronave, dhe, ndonëse e nisi Reformën në Drejtësi duke shkrirë Gjykatën Kushtetuese sepse tha se ishte e Saliut, kur Gjykata Kushtetuese që e krijoi vetë guxoi të mos jetë dakord me marrëzitë e trurit të vetë, vendosi të ndryshoj legjislacionin.
Dhe, me ndryshimin e legjislacionit, kur SPAK tashmë nuk do të ketë as kuptim, ai thotë se nuk do të preket:
“Një shtesë nga ana ime: SPAK-u nuk preket, vetëm mbështetet. Liria dhe e drejta e çdo prokurori për të hetuar çfarëdoqoftë e këdoqoftë nuk preken, vetëm garantohen. Pavarësia kushtetuese e pushtetit legjislativ dhe ekzekutiv, gjithashtu nuk preken. Vetëm garantohen.”
Hec e merre vesh se çfarë nënkupton Edi Rama me prekje, siç e preku Ish-Presidentin dhe Ish-Kryeministrin Sali Berisha duke e ngujuar në shtëpi si kavje, apo si Ish-Kryeministrin dhe Ish-Presidentin Ilir Metën, duke e tërhequr zvarrë në mes të Tiranës!
Ndryshe, pas një seance maratonë prej gati 11 orësh, Gjykata Kushtetuese me 4 vota pro dhe 4 kundër vendosi mbrëmjen e së premtes të rrëzojë kërkesën e kryeministrit Edi Rama, i cili kërkonte shpalljen antikushtetues të vendimit të GJKKO për pezullimin nga detyra Belinda Ballukun, e akuzuar për tenderat abuzive me tunelin e Llogarasë dhe Unazën e Madhe.
Katër gjyqtarët besnik deri në vdekje Partisë dhe liderit Edi Rama, votuan ashtu siç mendon Krietari: Marjana Semini, Sander Beci, Sonila Bejtja dhe Fjona Papajorgji; Ndërsa katër gjyqtarë që menduan se lideri po çedon me mbesën e Beqirit, votuan kundër: Marsida Xhaferrllari, Asim Vokshi, Gent Ibrahimi dhe Ilir Toska.
