Bruksel, bastisje në zyrat e Komisionit Evropian, hetohet marrëveshja me vlerë rreth 900 mln euro

Policia bastisi sot ambientet e Komisionit Evropian në Bruksel në kuadër të një hetim mbi shitjen e aseteve të pasurive të paluajtshme të shtetit belg në vitin 2024, tha një burim pranë hetimit për Agjencinë e lajmeve AFP.

Ekzekutivi i BE-së tha se ishte në dijeni të një hetimi në vazhdim mbi shitjen e 23 ndërtesave të Komisionit në një marrëveshje me vlerë rreth 900 milionë euro, duke thënë se ishte i bindur se procesi u zhvillua në një mënyrë të pajtueshme.

Zyra e Prokurorit Publik Evropian, EPPO, konfirmoi se po kryente aktivitete për mbledhjen e provave në një hetim në vazhdim që përfshinte Komisionin Evropian.