Nesër seancë plenare, Edi Rama nuk e fut në Rendin e Ditës imunitetin e Ballukut!
Edi Rama mund ta reformoj Drejtësinë edhe tri herë në vit por sërish do të jetë ai i cili do të vendos në këtë vend se kush vjedh, kush është hajduti, cilin duhet ta hetoj SPAK-u dhe cilin duhet ta dënoj GJKKO!
Këtë e konfirmoj pas rastit të Kryetarit të PD, Sali Berisha, Kryetarit të PL, Ilir Meta, Kryetarit të të PR, Fatmir Mediu, Ish-Zv/Kryeministrit Arben Ahmetaj, Kryetarit të Bashkisë Tiranë, Erion Veliaj, dhe së fundi rasti me Zv/Kryeministren dhe ministren e Infrastruktur dhe Energjetikës, Belinda Balluku, kur është Edi Rama ai i cili nuk përfill as kërkesën e SPAK, as dëshmitë e prokrurorëve se ajo rrezikon 35 vjet burg për krimet e kryera e aq më pak dëshmitë se ajo ka vazhduar ti intimidoj dëshmitarët.
Dhe, përkundër dëshmive që SPAK i dorëzoi dhe sqaroi në detaje në Këshillin për Rregulloren, Mandatet dhe Imunitetin, me përfundimin e së cilës, anëtarët e Edi Ramës në Këshill deklaruan se meqë nuk ku dakordësi për autorizim të arrestimit të Ballukut, do ketë dy Raporte PD-PS, Raporte që tashmë është e qartë se nuk do të votohen në seancën plenare të ditës së nesërme ndonëse PD e ka gati dhe e ka bërë edhe publik.
Ndryshe, në seancën e nesërme plenare të Parlamentit të Shqipërisë me 12 pika të Rendit të Ditës, nuk zuri vend imuniteti i Belinda Ballukut, të cilin e ka kërkuar Prokuroria e Posaçme që në 16 dhjetor 2025 ndërkohë ka reaguar Bashkimi Europian duke kërkuar shqyrtimin pa vonesë të SPAK-ut për autorizimin e arrestimit të Ballukut.
Rendi i Ditës
Në mbështetje të urdhrit nr. 16, datë 3.3.2026 të Kryetarit të Kuvendit, z. Niko Peleshi, rendi
i ditës është si më poshtë vijon:
1. Miratimi i procesverbalit të seancës plenare të datës 2.3.2026.
2. Njoftime.
3. Seancë pyetje – përgjigje me Ministrin e Arsimit, Mirela Kumbaro, kërkuar nga deputeti Erion Braçe.
4. Seancë pyetje – përgjigje me Ministrin e Bujqësisë dhe Zhvillimit Rural, Andis Salla, kërkuar nga deputeti Erion Braçe.
5. Projektligji “Për një shtesë në ligjin nr. 69/2012, “Për sistemin arsimor parauniversitar në Republikën e Shqipërisë”, i ndryshuar”.
6. Projektligji “Për ratifikimin e marrëveshjes së huas, ndërmjet Republikës së Shqipërisë, përfaqësuar nga Ministria e Financave (huamarrësi), dhe KfW Frankfurt am Main (KfW), për programin “Infrastruktura bashkiake V – faza II””.
7. Projektligji “Për Agjencinë e Mbikëqyrjes në Sistemin e Ekzekutimit të Vendimeve Penale”.
8. Projektligji “Për disa ndryshime dhe shtesa në ligjin nr. 46/2018, “Për kontrollin shtetëror të transferimeve ndërkombëtare të mallrave ushtarake dhe të artikujve e teknologjive me përdorim të dyfishtë”, të ndryshuar”.
9. Projektligji “Për një ndryshim në ligjin nr. 9975, datë 28.7.2008, “Për taksat kombëtare”, të ndryshuar”.
10. Projektligji “Për një ndryshim në ligjin nr. 68/2017, “Për financat e vetëqeverisjes vendore””.
11. Projektvendimi “Për një shtesë në vendimin nr. 65/2025, “Për caktimin e anëtarëve zëvendësues në përbërjen e komisioneve të përhershme të Kuvendit”, i ndryshuar”.
12.Diskutime për çështje jashtë rendit të ditës.
(Në mbështetje të nenit 45 të Rregullores së Kuvendit: Çdo deputet mund të flasë jo më shumë se 5 minuta dhe nëse diskuton në emër të grupit parlamentar, jo më shumë se 8 minuta. Koha e diskutimeve për çështje jashtë rendit të ditës nuk mund të jetë më shumë se 60 minuta.)
