Përpjekjet për zgjedhjen e Presidentit të ri të Kosovës, Albin Kurti bëri gabimin fatal!
“Zgjedhja e Presidentit të Republikës së Kosovës duhet të bëhet jo më vonë se tridhjetë (30) ditë përpara përfundimit të mandatit të presidentit aktual,” thotë Neni 86 Pika 2 e Kushtetutës së Republikës së Kosovës ndërkohë mandati i Presidentes aktuale Vjosa Osmani përfundon më 4 Prill 2026, por, sot, përpjekjet për zgjedhjet e Presidentit të Ri të Republikës japin një alarm më shqetësues se sa enigma e emrit të kandidatit që do të zgjidhet President, kur Albin Kurti me Lëvizjen Vetëvendosje shpërfillën një rival politik si Kryetari i PDK, Bedri Hamza, i cili u shfaq në mënyrën më civile të mundshme pa vija të kuqe, shpërfillën dhe bashkëpunimin i cili rezultoi i suksesshën në skenën ndërkombëtare, veçanërisht me SHBA, me Presidenten Vjosa Osmani, dhe, dolën me një propozim pa lidhje, pa logjikë numërash dhe deskriditues pë personin e Glauk Konjufcës, të cilin askush përveç koalicionit qeverisës nuk ka arsye ta votoj!
Sot, madje, nuk ka rëndësi nëse vendi do të shkoj në zgjedhje, kur Albin Kurti me Lëvizjen Vetëvendosje bënë zgjidhjen e tyre fatale dhe kurrë nuk mund të kthehen në këtë pikë pasi shpërfillën edhe fatin, dhe bënë gabimin fatal që bëri opozita me zgjedhjen e Kryetarit të Parlamentit vitin e kaluar, kur nuk respketoi fituesin e zgjedhjeve të 9 shkurtit 2025, ashtu siç sot nuk respektoi Albin Kurti, të renditurin e dytë në zgjedhjet parlamentare të 28 dhjetorit 2025!
Sot, Albin Kurti nuk mund të quhet as intrigant, siç u akuzua nga batonë e buzhalë, por, vetëm, shumë kokëfortë dhe i palexuar në historitë e kompromiseve politike, gjë që tashmë është e qartë se e ka të domosdoshme ta bëjë, nëse vazhdon të merret në politikë!
Sepse, tashmë është e qartë se truri i Albin Kurtit gjeneron vetëm në momente të krizave politike dhe këtë e ka dëshmuar, dhe, kur përballë i del me kërkesa normale një politikan me përvojë si Bedri Hamza, ai bënë dhe propozimin më idiot që mund të bëjë një njeri sikur edhe mos të merret me politikë, i ofron vota për të kandiduar me një kandidat për President thuase qëllim i një partie mund të jetë, dhe, nominimi!
Duke hequr nga radari politik Kryetarin e LDK, Lumir Abdixhiku, meqë ai vetë nuk është i qartë se kë përfaqëson, Devollët, batonë e buzhalë apo partinë që drejton, sikur Albin Kurti të ishte intrigant në përpjekjen për zgjedhjen e Presidentit të Kosovës, ai do ti propozonte Bedri Hamzës, Vjosa Osmanin, me probabilitetin e madh se PDK do ta kundërshtonte, dhe fal zhvillimeve të fundit në SHBA me Presidenten Osmani, PDK dhe Kryetari i saj do të akuzoheshin si antimaerikan!
Por, jo, Albin Kurti thjesht e lodhi trurin kot dhe në konditat e numërave të ulëseve në Parlamentin e Kosovës nuk e zgjidhi këtë “problem” me një propozim normal, duke i dhënë të drejtën partisë së dytë, PDK, dhe për hirë të konstruktivitetit të kryetarit të saj, Bedri Hamza, të propozoj kandidatin për President i cili do të votohej pa diskutim!
Kështu, duke prodhuar krizë pas krize, sot, sikur edhe të zgjedhet Presidente Vjosa Osmani, me ndërhyrje nga jashtë, tashmë është e qartë se ajo nuk u zgjodhë as për herë të parë për ndonjë meritë negociuese të Albin Kurtit!
Dhe, sikur ti lejohet sot PDK-së të propozoj kandidatin për President, Albin Kurti dëshmoi se po qeverisë një shtet që nuk është normal as në ditët kur zgjedh Presidentin e Republikës, një shtet që ka një shumicë qeverisëse që nuk respekton edhe kur ka rival politik ekselent si Bedri Hamza, për të menduar për të ardhmen më të mirë të këtij vendi, dhe, një shtet që ka qeveri e cila nuk e ka arritur ende pjekurinë politike të zgjedhë një President i cili nuk vjen nga ZARFI!
Në fund, nëse Albin Kurti e çon Kosovën në zgjedhje, rezultati i këtyre zgjedhjeve do të tregoj se sa fatal ishte gabimi i Kryeministrit Kurti, jo vetëm për karrierën e tij politike, por, edhe për të ardhmen e Lëvizjes Vetëvendosje!
