Riformatimi i qeverisë, Berisha: Akt, i cili e bënë të domosdoshëm largimin e Edi Ramës!

Riformatimi i fundit i qeverisë ështën një akt që lidhet me vazhdimin e korrupsionit në nivelet më të larta të qeverisjes, tha sot Kryetari i Partisë Demokratike, Sali Berisha, duke vlerësuar se kjo e bënë të domosdoshëm edhe largimin e Kryeministrit Edi Rama.

“Sot në presidencë u zhvillua ceremonia më qesharake, më komike, më banale e 35 viteve të fundit. Riformatimi i qeverisë me klonimin, të klonuar nga Lubi Balluku shënon krimin permanent, në vazhdim. Të gjithë të emëruarit pa përjashtim janë të lidhur me 1 mijë fije me korrupsionin më të lartë qeveritar, kanë firmat e tyre e mëdha korruptive të vendit, në fushën e infrastrukturës, në fushën e energjisë dhe në fusha të tjera.

Sot, më shumë se kurrë, Bajrami i Presidencës u bë Haram i Presidencës me firmat që vendosi, me mungesën totale të guximit për t’i hedhur poshtë propozimet, ai u bë pjesë e një krimi permanent, të vazhdueshëm,” tha sot Sali Berisha pas betimit të shtatë ministrave të ri në Presidencë duke konsideruar se ky akt e bën të domosdoshëm largimin e menjëhershëm të Edi Ramës nga pushteti, dorëheqjen e tij.

Në këtë konferencë të përjavshme ishte e pashmangshme të komentohet dhe përplasja verbale në Parlament mes Kryetarit të Grupit Parlamentar të PS, Taulant Balla, dhe deputetes së Partisë Demokratike, Albana Vokshi, ku lideri i opozitës e akuzoi me tone të ashpra Ballën për gjuhën e përdorur në parlament, e zbatuar kjo me porosinë direkte të Edi Ramës.

“Taulant Balla përbën një nga kriminelët më të shpërfytyruar, siç e kam denoncuar shumë e shumë herë, ish student është denoncuar nga organet zyrtare diplomatike të Shqipërisë si trafikant prostitutash. Ju jeni dëshmitarë se që në atë kohë unë kam denoncuar publikisht veprimtarinë kriminale me prostituta moldave të sjella nga Edi Rama tek eksponentë të PS-së. Kam denoncuar asokohe dhe lokalet ku ata frekuentonin.

Fatos Nano ka marrë informacion të qartë për ndalimin e tij në kufi nga shtet mike, si transportues prostitutash. Taulant Balla është një kriminel i degraduar, që ka porositur vrasje dhe porositë e tij për vrasje u dokumentuan në dosje gjyqësore të cilat një gjykatës dhe një prokuror kriminel i dogjën me procesverbal,” tha Kryetari i Partisë Demokratike duke e akuzuar Taulant Ballën si bashkëpunëtor i Suel Çelës, Mario Çelës, Altin Dumanit dhe një nga anëtarët më kryesorë të organizatës kriminale të Edi Ramës.

Në fund, Kryetari i Partisë Demokratike, Sali Berisha, tha se Edi Rama ka zero legjitimitet në pushtet ndaj dhe duhet të largohet ndërsa u bëri thirrje qytetarëve që të marrin pjesë masivisht në protestën e thirrur më 12 mars para Parlamentit.

“Data 12 është data e kryengritësve paqësorë, në të cilën shqiptarët do mblidhen para parlamentit për të kërkuar largimin e menjëhershëm të Edi Ramës.

Objektivi i saj është i panegociueshëm, largimi i Edi Ramës me urgjencë nga pushtetit.”

Fjala e plotë:

Sot në presidencë u zhvillua ceremonia më qesharake, më komike, më banale e 35 viteve të fundit.

Riformatimi i qeverisë me klonimin, të klonuar nga Lubi Balluku shënon krimin permanent, në vazhdim.

Shënon përpjekjen për t’u trashëguar nëpërmjet krimit dhe vjedhjes së shqiptarëve.

Të gjithë të emëruarit pa përjashtim janë të lidhur me 1 mijë fije me korrupsionin më të lartë qeveritar, kanë firmat e tyre e mëdha korruptive të vendit, në fushën e infrastrukturës, në fushën e energjisë dhe në fusha të tjera.

Sot, më shumë se kurrë, Bajrami i Presidencës u bë Haram i Presidencës me firmat që vendosi, me mungesën totale të guximit për t’i hedhur poshtë propozimet, ai u bë pjesë e një krimi permanent, të vazhdueshëm.

Ndaj dhe ky akt e bën të domosdoshëm largimin e menjëhershëm të Edi Ramës nga pushteti, dorëheqjen e tij.

Dhe të heqë dorë nga çdo lloj manovre për të zgjatur ditët e tij në pushtetin e krimit.

Asgjë nuk e shpëton atë.

Koha e diktatorëve po perëndon në nivel global.

Shqiptarët do i japin përgjigjen e merituar.

Me asgjë Edi Rama nuk mundet t’i shpëtojë krimeve të rënda që ka kryer, grushteve të shtetit që tentoi të realizojë, mburojës ligjore që kërkon t’i vendosë vetes për të dalë jashtë përgjegjësisë para ligjit.

Përpjekjes së tij për të shpallur vjedhjet legjitime për qeveritarët.

Të gjitha këto janë ftesë për shqiptarët.

Protesta e tyre, kryengritja ne tyre paqësore është shpresa e fundit e shpëtimit të Shqipërisë dhe shqiptarëve nga Edi Rama.

Kohërat janë kritike.

Në këtë kohë, ai fakton se është i aftë të bëjë gjithçka në shkelmim të interesit kombëtar të shqiptarëve.

Veçanërisht në këtë kontekst, letra e hapur që firmosi së bashku me padronin e tij, Aleksandër Vuçiç, me të cilin, shqiptarëve që u premtoi pasaportën, u garanton pasaportën serbe, meriton të ndëshkohet me të gjitha format si tradhti e lartë kombëtare.

Data 12 është data e kryengritësve paqësorë shqiptarë, në të cilën ata do mblidhen para parlamentit për të kërkuar largimin e menjëhershëm të Edi Ramës.

Kryengritja paqësore e qytetarëve shqiptarë ka synim madhor shpëtimin e shqiptarëve nga ky regjim dhe rikthimin e votës së lirë tek ata.

As një Lubi, as 10 Lubi nuk janë objektivat e kësaj kryengritje.

Objektivi i saj është largimi i Edi Ramës me urgjencë nga pushtetit.

Një dhe vetëm një, do të jetë vetëm një.

I panegociueshëm.

Edi Rama ka zero legjitimitet në pushtet ndaj dhe duhet të largohet.

Kam bindjen se qytetarët janë më të vendosur se kurrë në qëndrimet dhe vendimet e tyre.

Data 12 është dita e tyre.

PYETJE-PËRGJIGJE ME GAZETARËT

Marsi Korreshi, Syri Tv: Keni një koment për atë që ndodhi në Kuvend, fyerjet e Taulant Ballës ndaj deputetes Albana Vokshi. Tashmë grupi i PD ka zyrtarizuar kërkesën në Komisionin e Etikës, po sa shpresë keni ju se do të merret një masë ndëshkimore ndaj Ballës?

Sali Berisha: Taulant Balla përbën një nga kriminelët më të shpërfytyruar, një nga anëtarët më kryesorë të organizatës kriminale të Edi Ramës.

Taulant Balla siç e kam denoncuar shumë e shumë herë, ish student është denoncuar nga organet zyrtare diplomatike të Shqipërisë si trafikant prostitutash. Ju jeni dëshmitarë se që në atë kohë unë kam denoncuar publikisht veprimtarinë kriminale me prostituta moldave të sjella nga Edi Rama tek eksponentë të PS-së.

Kam denoncuar asokohe dhe lokalet ku ata frekuentonin.

Fatos Nano ka marrë informacion të qartë për ndalimin e tij në kufi nga shtet mike, si transportues prostitutash.

Taulant Balla është një kriminel i degraduar, që ka porositur vrasje dhe porositë e tij për vrasje u dokumentuan në dosje gjyqësore të cilat një gjykatës dhe një prokuror kriminel i dogjën me procesverbal.

Taulant Balla është personi i cili për të nxitur vrasje në Elbasan, ka udhëzuar që të vendosin revole në murin e oborrit të një familje, për ta konsideruar revolen të fshehur.

Taulant Balla është krimineli i cili ka liruar së bashku me Vat Stakën, dy terroristët që i vendosën Lulzim Kullës, tritolin nën shalën e biçikletës dhe kjo është në dosje.

Urdhërohet nga Suel Çela që së bashku me Vat Stakën të shkojë e të lirojë terroristët që vendosë tritol dhe ata u liruan. Dhe Vat Staka vazhdon të jetë në KLP apo se ku është tani.

Taulant Balla është krimineli i cili është i dokumentuar duke biseduar me Mario Çelën, vëllain e Suel Çelës, ku i ankohet për Sali Berishën dhe e nxit kundër Sali Berishës.

Taulant Balla është krimineli që po bën çdo përpjekje për të liruar vëllain e Suel Çelës i shtruar në një spital privat dhe po bën të gjitha përpjekjet për ta nxjerrë.

Taulant Balla është krimineli i cili pas dokumenteve mbi të cilat fjeti për vite të tëra Altin Troplini, është krimineli që u mor me lirimin e automjeteve me të cilat u sollën 5 mln euro për kartelin e drogës Çela.

Taulant Balla është krimineli i cili në biseda me Mario Çelën, zotohet se do të arrestojë kundërshtarët e bandës Çelaj, me kusht që ata të garantojnë të gjitha votat.

Ky është Taulant Balla, një kriminel i damkosur, e vërteta e tij.

Përsa i përket gjuhës së tij, është gjuha që i shkon atij, është gjuhë e një njeriu që nuk ka asnjë normë morale, asnjë normë shoqërore, asnjë normë ligjore. Është një kriminel peng i krimit, i aftë të zbatojë.

Por ai ka zbatuar dje porosinë direkte të Edi Ramës.

Ne kemi të dhëna dhe do të hetojmë se ajo çka tha Taulant Balla është bërë në përputhje me porosinë e Edi Ramës, i cili në urrejtjen e papërmbajtur të një paranojaku fajëson Alban Vokshin për ndëshkimet që po vijnë njëra pas tjetrës nga komuniteti ndërkombëtar.

Pra është një reagim i Edi Ramës ndaj ndëshkimeve të njëpasnjëshme që ka marrë dhe do të marrë nga komuniteti ndërkombëtar.

Kështu që për PD autori i vërtetë i asaj rrugaçërie parlamentare është Edi Rama. Ai ka porositë krimin.

Marsi Korreshi: Ju keni thirrur protestë më 12 mars, ditën kur do shqyrtohet imuniteti i Ballukut. Po nëse mazhoranca i shkon deri në fund mbrojtjes që i ka bërë të paktën deri më tani zonjës Balluku dhe vendos me fuqinë e kartonit që të refuzojë kërkesën e SPAK-ut, a do radikalizohet protesta opozitare?

Sali Berisha: Ju lutem, protesta ka vetëm një qëllim, largimin e Edi Ramës.

Nuk thërrasim ne protestë për asnjë qëllim tjetër, përveç largimit të Edi Ramës.

Kjo është përfundimtare.

Pse thirret atë ditë apo këtë ditë, ajo është diçka tjetër sepse do jetë edhe tjetra, me radhë e me radhë.

Ne jemi në kryengritje të vazhdueshme.

Por protesta thirret, edhe njëherë ta ketë të qartë çdo shqiptar, thirret për largimin e Edi Ramës nga pushteti.

Edi Rama duhet të japë menjëherë dorëheqjen.

Kërkesa e qytetarëve është largimi i tij dhe dorëheqja e tij.

Pra, nuk ka të bëjë.

Nuk kemi asnjë lloj. Nuk ka lidhje tjetër, përveç Edi Ramës protesta jonë.