Nga Tarrasi te Tao, me 0900 deri ne BE!
nga Agim Popoci
Nuk kam Plan B për BE! Ky ishte togfjalëshi që doli dje nga goja e Edi Ramës ndërsa po mbronte hajduten Belinda Balluku, dhe i vetmi që prej ditës që filloi të merret me politikë, ku nuk gënjeu!
Po, Edi Rama dhe partia e tij kriminale që u krijua nga Beogradi, kurrë nuk kanë pas dhe nuk do të kenë Plan B, vetëm përmes 0900, ashtu siç u krijua dhe ekziston Serbia, ashtu siç u krijua dhe ekziston Partia e Ramës!
Këtë Plan e konfirmoi edhe Taulant Balla gjatë ligjërimit të tij në foltoren e parlamentit ndërsa u ngatërrua me vesin e tij të folurit me koleget e partisë ndërsa ju drejtua deputetes së PD, Albana Vokshi, që për shumë partizanet e tij të Librazhdit shkaktoi panik në mos Tao i tyre kishte pësuar hemorragji celebrale.
“…Realisht, realisht, realisht, realisht nuk kishim një numër telefoni tuajin që t’ju merrnim në telefon dhe t’ju thonim ore si mendoni ju për këtë. Po, 0900 se për ty kam këtë numrin, për ty Albana padyshim. Dhe pа pyetur për strukturat vendore…” vazhdoi Tao aty ku e kishte lënë Tarrasi me Milladinin e Mugoshën, dhe, një Ramize Gjebrea e shkretë që guxoi t’ju dalë nga rreshti, për të dashur njërin që e pëlqente, e pushkatuan!
E pushkatuan sepse nuk veproi në bazë të urdhrave të Partisë me 0900, por të shpirtit të saj, dhe, jo rastësisht, mbesa e atij që vendosi ta pushkatoj, Hysni Kapo, sot mbron Vilën e kriminelit Enver Hoxha, dhe, atë që kjo parti nuk e dëmton më shumë se sot, imazhin e Shqipërisë!
Përderisa deputetët e opozitës nuk e tërhoqën zvarrë Taon deri në koshin e plehrave parlamentare, atij iu dha edhe rasti të arsyetohet sikur po fliste për numrin e Bashkimit Evropian, por, sot, pak rëndësi ka që ai i BE-së e ka 0800, sepse si Taos ashtu dhe partisë së tij nuk i hynë në punë sepse nuk kanë Plan B:
Vetëm me 0900 në BE!
Pikërisht ashtu siç e bënë të parët e tyre serbë, siç krijuan shtetin serb, siç u ndërtua Partia Komuniste e Serbisë dhe ajo e Jugosllavisë, siç e korruptuan Kominternin, siç krijuan celulat e para të Partisë Komuniste të Shqipërisë me fejesat e detyruara nga Shkodra deri në Korçë, ashtu siç e pritën ushtrinë sovjetike në Beogradin e çliruar nga nazizmi, siç e ngritën UDB-në, dhe, siç qeverisën dhe po qeverisin Shqipërinë, me 0900!
E ata që nuk ishin pjesë e kësaj partie kriminale, ashtu siç nuk tërhoqën zvarrë Taon sot, gjithmonë besonin se me zgjedhje kjo parti edhe largohet nga pushteti, duke u kujdesur për Kodin Zgjedhor por jo dhe eskortën që shoqëronin Vëzhguesit e OSBE/ODIHR-it si dhe Raportuesit e Brukselit, që ishin dhe kallauzi i partisë së Edi Ramës, 0900!
Ndryshe, edhe sot vazhdojnë të bëhen analizat e Kodeve Zgjedhore por në asnjë moment nuk vihet gishti mbi plagë, 0900, ai që shkatërroi zgjedhjet e vitit 1996 duke akuzuar partinë në pushtet PD, nuk përfilli shkeljet e vitit 2001 ku u zbatua për herë të parë nga kjo parti edhe blerja e votës ndërsa Dushku krijoi dhe një gropë të thellë në procesin zgjedhor që nuk po kurohet dot, i mundësoi Edi Ramës të manipuloi zgjedhjet përballë avokat Ngjelës, të mbushë kutitë deri në dhimbje koke me 2009, dhe, të ngadhënjej me shumë sukses në vitin 2013 me, 0900!
Në mungesë të analizës së fitores së Partisë Demokratike, shqiptarët nuk kishin rastin të shohin as dëshmitë pse PD fitoi në vitin 2005, për të kuptuar se fitorja ishte shumë më e lehtë kur dy centralet në ndërtim të 0900 së partisë kriminale që ishte ndarë tashmë në dysh nuk arritën të vihen në jetë, ndërsa burimet financiare ishin çorientuar, ndërkohë Vëzhguesit dhe Raportuesit celularët i kishin më të heshtur!
Dhe, shumë shpejtë erdhi viti 2015 për të treguar se çfarë mund të bëjë, jo analfabeti Lali Eri por 0900, edhe kur përballë ka një profesor të shkencave të mjekësisë!
Raportet e këtyre zgjedhjeve ishin shumë më të frikshme se sa humbja, edhe pse Bashkia Tiranë nuk kishte dhe nuk do të ketë kurrë një kandidat për Kryetar të nivelit si Prof.Dr.Halim Kosova përballë një njeriu i cili shumë shpejtë do konfirmoj vetë pse kishte ardhur në krye të Bashkisë me partinë e tij kriminale, vetëm për të vjedhë!
Por, pa kaluar mpirjen e zgjedhjeve vendore dhe miratimin e Reformës në Drejtësi, zgjedhjet parlamentare të vitit 2017 dëshmuan se jo qeverinë teknike, por, as dreqin, të birin e shpirtin e mallkuar komunist, nuk ka Kod Zgjedhor që mund ta ulë me këmbë në tokë përderisa kësaj partie kriminale vazhdon ti funksionon linja 0900, e cila përveç se i mbylli Partisë Demokratike “Çadrën e Lirisë”, me ndihmën e zyrtarëve të Brukselit, i shkaktoi edhe humbje, kur të gjitha sondazhet tregonin për fitore të sigurt të PD!
Dhe, për të groposur përfundimin idenë e Kodit Zgjedhor ideal, partia e Edi Ramës i tregoi me zgjedhjet e vitit 2021, se shumë negociata dhe reforma mund ti bëhen Kodit, por, rroftë 0900, që i gris në sy edhe Ambasadores së SHBA, atë që quhej Marrëveshje dhe u firmos në mënyrë ceremoniale, me pranimin e rezultatit të zgjedhjeve ende pa u numëruar votat!
Sot, pse belbëzon Tao kur flet për 0900 dhe nuk e ka idenë se kujt i drejtohet, nuk është vetëm nga fakti që Gaz Bardhi i thotë se “është mësuar me kurvat e partisë së tij” as nga pranimi pa dashje i deputetes socialiste Bora Mozhaqi se janë shumë gra të tilla në këtë parti, por, janë plotë 80 vjet traditë, histori dhe emocione, nga Tarrasi tek Tao, që me formulën e Mbretit serb Obrenoviç qëndrojnë në pushtet, dhe ashtu mendojnë të anëtarësohen në BE pavarësisht se janë shumë larg zbatimit të standardeve evropiane, ashtu siç e fitoi Serbia autonominë nga Perandoria Osmane!
Kur diplomati i parë serb në Portë, Petar Içko, mori akreditimin për t’ia dorëzuar Sulltan Selimit III, atij ju bë e qartë se nga ai, Beogradi pret Autonominë e Serbisë nga Perandoria Osmane ndryshe i shkon koka, dhe, i dhanë vetëm një këshillë të cilën e zbatoi deri në momentin që mori Hatisherifin e Autonomisë:
“Sulltani ka pikë të dobët paratë dhe by*ën e meshkujve. Ne para nuk kemi!”
