Botërori 2026, Përfaqësuesja e Armando Dukës dështon edhe kundër polakëve të lodhur

Sikur Kombëtarja e Shqipërisë do të pësonte këtë humbje 2:1 në Varshavë pas lojës së të përzgjedhurve të trajnerit Sylvinho Mendes Campos Junior përballë Kombëtares së Polonisë në lojën e saj më të keqe, me përfundimin e ndeshjes, Sylvinho duhej ta griste licencën e trajnerit!

Por, meqë shqiptarët e dinë se kush është Zot e kush shkop në këtë Kombëtare gjithçka është e qartë, si Jasir Asani në shkallët e stadiumit ashtu dhe Pilo që ngatërronte topin me golin, zëvendësimin e Etrit Berishës me djalin e Babit që del për të kapur topin dhe pendohet, shpërfillja e Levandovskit dhe Zielnskit në fushë, thuase ata ishin dalë në shëtitje, ashtu dhe ky eliminim i turpshëm nga Botërori 2026!

Kështu, Hoxha vetëm në minutën 42′ arriti të gjejë golin e polakëve të lodhur, por, ishte minuta e 63-të kur Levandovski i bëri të qartë Strakoshës dhe gjithë përfaqësueses së Dukës se nuk ishin në stërvitje.

Në fushë u shfaq Pilo, duke e rreshtuar në mesfushë dhe ishte pikërisht mbrojtësi ai i cili gaboi një gol të sigurt që mund të kthente përsëri Shqipërinë në avantazh. Pak sekonda më vonë erdhi goli i përmbysjes së ekipit vendas me Zielinskin dhe aty praktikisht ndeshja për kuqezinjtë mbaroi.

Vendasit kontrolluan me kujdes dhe ai dolën që në fund të siguronin këtë fitore që i hapi partën e finales për Botërorin 2026 në Amerikë.

POLONI-SHQIPËRI 2-1
63′ Levandovski, 73′ Zielinski / 42′ Hoxha

FORMACIONET ZYRTARE

Polonia: Grabara; Kedziora, Bednarek, Kivior, Kesh, Szimanski, Zielinski, Skoras, Kaminski, Levandovski, Rozhga

Trajner: Jan Urban

Shqipëria: Strakosha; Mitaj, Gjimshiti, Ajeti, Hysaj, Laçi, Bajrami, Asllani, Shehu, Hoxha, Uzuni

Trajner: Sylvinho

Dhe, derisa lojtarët shqiptarë ishin të trishtuar me humbjen, trajneri i tyre mburrej me këta lojtarë që po përmbyteshin në lot.

“Jam i zhgënjyer për faktin që nuk arritëm të mbyllnim ndeshjen pas shënimit të golit, por nuk jam i zhgënjyer dhe nuk më ka mbetur peng loja. Jam shumë krenar për lojtarët, atë që ne kishim menduar ata e bënë në fushë, kemi pasur një ndeshje kundër Polonisë, një skuadër që është mësuar në Europian, Botëror, ka lojtarë të nivelit të lartë dhe po ashtu një trajner shumë të mirë.

Praktikisht në 12-15 minutat e para e prisnim që të bënin shumë presion, por qëllimi ynë ishte të rinisnim dhe arritja në zonën e kundërshtarit dhe arritëm të shënojmë,” tha Sylvinho i paqartë pse mburrej kaq shumë me këtë lojë ndërsa foli për lojtarë të nivelit të lartë fizik ndonëse sonte ishin në nivelin më të ulët fizik ndërsa përfundoi:

“Është mëkat që nuk arritëm dot ta mbyllnim ndeshjen, por futbolli është i tillë dhe kjo ndodh në një finale të Championsit ose në Kupën e Botës. Jam i zhgënjyer që nuk arritëm dot të shkojmë përpara se vërtetë kishim mundësi, me gjithë respektin për skuadrën polake dhe trajnerin, por besoj patëm mundësi të ecnim përpara.”