Lali Eri në Ngushticën e Edi Ramës!
nga Agim Popoci
Kur ndërtuesit e Tiranës e akuzuan 15 vjet më parë Kryetarin e Bashkisë Tiranë, Edi Rama, se ju kërkon 20% për çdo leje ndërtimi, ishin ndërkombëtarët që me përçmim e hodhën poshtë ndërsa shqiptarët vazhduan të shikojnë atje ku ju thonë ata se do të perëndoj dielli!
Sot, kur Ngiushtica e Hormuzit është mbyllur nga lufta në Iran, aty ku kalojnë vetëm 20% e furnizimeve globale me naftë dhe gaz, çmimet u rritën nga kastraveci deri te bileta e avionit, dhe, ekonomia botërore kolapsoi, për ndërkombëtarët rezulton se 20% na qenka hataja!
Dhe, me këtë hata, që nuk e ndaloi njeri dhe vazhdon ta paguaj qytetari shqiptar me një Ngushticë që është shumë më e frikshme se ajo e Hormuzit, sot i pëlcasin sytë jo vetëm Lali Erit që u ul në fron me modelin e një hajduti, por, tashmë edhe të gjithë atyre që i shkuan mbrapa!
Nëse i njeh paraardhësit e tu, do ta dish edhe vetë se kush je, e ka thënë shumë kohë më parë shkrimtari i njohur francez dhe homologu i kryeministrit shqiptar nga Urdhëri i Legjionit Francez, Antoine de Saint-Exupéry, por, si Edi Rama ashtu dhe Lali Eri që e kishte për model Ramën, nuk ishin ardh në krye të Bashkisë Tiranë për të mirën e kryeqytetit shqiptar por për të vjedhur.
Paraqitja e Lai Erit në gjykatë për të kontestuar emërimin e prokurorit që e prangosi dhe jo kontestimin e akuzave që janë ngritur kundër tij, tregoi se ai nuk ka heqë dorë nga propaganda dhe vazhdoi të jetë i bindur se kur ai nuk është në krye të Bashkisë Tiranë, nuk ka kush ta menaxhoi, madje as ta pastroi qytetin!
Po, ishte po ai Lali Eri i cili kur u shfaq në rolin e Kryetarit të Bashkisë Tiranë, frikshëm e konfirmoi në ditët e para të punës se nuk e kishte ndonjë model që ti përkushtohet kryeqytetit shqiptar, si Kryetari i 99-të i Bashkisë New York, Fiorello Henry La Guardia, që ngeli në histori me ndryshimet që pësoi qyteti edhe pse e mori nga një administratë shumë e korruptuar, ose si ai i Vjenës, Michael Häupl, i cili edhe sot shërben si shembull jo vetëm në Austri por në gjithë Bashkimin Evropian, por, kishte ardh në fron me modelin e tij, Hajdut!
Shfaqja e Erion Veliajt me logon “I ♥ 21 Dhjetori” dhe ekzaltimi i komunistëve pse u sajdis kaq shumë diktatori rus Stalin me ditëlindjen e tij, ishte një ogur i zi për vetë Edi Ramën, i cili ndonëse thotë se është i lexuar, nuk e dinte se kur kjo logo u shpik nga dizajneri Milton Glaser dhe u vendos në New York, “I ♥ New York”, qyteti ishte në kulmin e krimit, konsiderohej i rrezikshëm dhe ishte në ditët e fundit të falimentimit, ndërsa kishte për qëllim rritjen e turizmit; Pra, ashtu siç ishte Tirana kur filloi të aplikohej kjo logo, e kanabizuar e tëra si në gjithë Shqipërinë ku gëlonte krimi, dhe kur turizmi i premtuar filloj të lëshoj rrënjë vetëm në kryeqytetin shqiptar!
Sa për miletin, ekzaltimi për vendosjen e kësaj logoje te 21 Dhejtori, ashtu si dhe të tjerave në radhë te Ali Demi, Bërryli etj. shpërfaqi lojën e Lali Erit, por, njëkohësisht edhe turpin e qenies shqiptare i cili e konsideron shpikje logon, e cila që në vitin 1977 ishte shpik dhe përdor në New York!
Këtë dukuri të shëmtuar e bënë më fataliste projekti i Edi Ramës me patronazhistë, të cilët i pajisi me celularët e gjeneratës së fundit dhe i la pa tru në kokë, të djersiten kur shohin një logo të Lali Erit që kryeqendrat botërore e përdorin por nuk e thonë dot se nuk është e të madhit, Milton Glaser!
Historia shqiptare ka treguar se komunist lind nuk bëhesh, por, siç duket kjo vlen edhe për të korruptuarit, dhe, këtë e konfirmon si Lali Eri ashtu dhe modeli i tij Edi Rama, ndryshe, sa për fabulën se paratë e mëdha iu vërtitën nëpër duar dhe u dorëzuan, edhe Kryetarit të Bashkisë New York, Fiorello Henry La Guardia, nga viti 1934 deri në vitin 1945 do ti merrte koka erë, aq më shumë sepse kishte marr drejtimin e kësaj bashkie në kulmin e korrupsionit, ose, dhe Kryetarit të Bashkisë dhe Guvernatorit të Vjenës nga viti 1994 deri në vitin 2018, Michael Häupl, por, ata hynë në histori me ndryshimin që i bënë qyteteve që drejtuan, dhe nuk u akuzuan për vjedhje as për 11-14 vjet në krye të New Yorkut, përkatësisht Vjenës!
Kur erdhi Edi Rama në krye të Bashkisë Tiranë, askush nuk e ka menduar se erdhi një Fiorello Henry La Guardia i dytë dhe do të unifikohet sistemi i transportit të qytetit, do të shtohet numri i banesave publike, këndeve të lojërave, parqeve, aeroporteve, si dhe do të organizohet një Polici Bashkiake!
Madje maska e tij ra që kur u krekos si xhel te Parku Rinia kur shembi ndërtimet pa leje pasi kishte fyer veriorët për “tokë të xanun”, dhe, rezultoi se shumica e pronarëve të atyre ndërtimeve pa leje ishin spiun të Sigurimit të Shtetit dhe oficer Policie nga Partia e tij kriminale, shumicën prej të cilëve edhe sot i ka klient politikë ose të biznesit!
Dhe, ndodhi ajo që pritej, ngriti sistemin e transportit të qytetit sërish me miq që vetëm në kafene flasin dhe ankohen për çmimin e biletës, filloi të ndërtoi banesa sociale për komunistë që është dhe kushti kryesor i futjes së kokës në këto ngrehina socialiste, këndet e lojërave i ndërtoi pikërisht aty ku në të ardhmen u ndërtuan kullat e tij famoze, aeroportet që kishte në kokën e tij elektorale si në Kukës ashtu dhe në Vlorë i ndërtoi me bazë korrupsionin, ndërsa Polica Bashkiake jo vetëm me konfliktin me Fatos Nanon te Blloku por edhe te mbrotja e ndërtimit pa leje të Hotelit të Dash Pezës, treguan pse u ngrit kjo bandë me uniformë që edhe sot vazhdon të jetë në shërbim të Partisë Socialiste!
Pse modeli i Fiorello Henry La Guardia është vite drite larg nga Edi Rama tregon dhe fakti se ai ndërpreu edhe patronazhimin ndaj armiqve Tammany të La Guardias, patronazhim të cilin Rama e ngriti kundër rivalëve të tij politik pavarësisht çmimit, shkatërrimit të integritetit të rinisë shqiptare!
Si mund të ishte ndryshe Lali Eri, dhe si mund të fitonte përballë Prof.Dr.Halim Kosovës, përveç se me modelin e hajdutit i cili për vitet të tëra vjedhi dhe bleu votat e këtij mileti!
Sot nën pranga, Lali Eri mund të reflektoj duke konstatuar se vjedhjet mund ta ketë bërë edhe ndryshe, jo kaq trashë dhe jo duke marrë guxim të futet edhe në Ngushticën e Edi Ramës, por ai Michael Häuplinin nuk e bënte dhe nuk e bënë dot!
Si dishepull i një Hajduti të cilin e certifikoi OSBE duke publikuar Raportin ku thuhej se Edi Rama ka një pasuri prej 200 milionë euro, ai mund të jetë eksituar dhe të nis pa fre hajdutërinë me fondet publike, por, në çdo rrethanë, ky gjytyrym nuk e bënte dot zgjerimin e rrjetit urban të transportit, siç bëri Häupl, dhe, nuk do të tallej me projektet e rivalëve që flisnin për tramin, sepse Michael Häupl si Kryetar i Bashkisë Vjenë e cila kishte metro, e zgjeroi nga 57 në 98 stacione deri sa u largua nga detyra, që shndërruar në kilometra është një Tiranë e tërë!
Në fund, sot, në meditimin e tij përballë hekurave të qelisë, Lali Eri mund të gjejë zgjidhje për lirinë e tij sikur të vepronte ndryshe gjatë karrierës së tij deri në përpjekjen për t’u ulur në fronin e Kryetarit të PS, por, përgjigjen reale e ka në Ngushticën e Edi Ramës, aty ku u fut ashtu si udhëheqësi i tij shpirtëror, duke i blerë dhe terrorizuar më pastaj, dhe jo duke i bërë për vete mbështetësit e tij.
Vetëm në këtë mënyrë, Lali Eri do ta kishte PS-në me vete, që nuk e ka as Edi Rama, i cili ndonëse padron i Ngushticës ku kalon gjithë energjia e nevojshme për mbajtjen gjallë të partisë dhe krimit në Partinë Socialiste, nuk e zotëroi dot shpirtin e PS-së!
Sepse, Edi Rama, kot që mbanë në qafë Urdhërin e Legjionit të Nderit, po ta kishte të merituar si Antoine de Saint-Exupéry, të paktën do ta dinte postulatin e tijë të çmuar:
“Nëse do të ndërtosh një anije, mos i thirr njerëzit për të mbledhur dru, mos i urdhëro dhe mos ju përcakto punën. Në vend të kësaj, mësoji të dëshirojnë shumë detin e largët dhe të pafund.”
