1 Maji, Unioni i Sindikatave: Paga më të larta! Jo festë, por protestë!

Sot në Ditën Ndërkombëtare të Punëtorëve, 1 Majin, Unioni i Sindikatave ka dalë në protestë para ministrisë së Ekonomisë, duke kërkuar paga më të larta dhe siguri në punë.

Një nga përfaqësuesit e Unionit kërkoi nga qeveria që të marrë masa dhe të mendojë për punëtorët dhe për shtresat në nevojë.

“Siguri në punë, minimum jetik. Sot më shumë se kurrë kjo qeveri, këto institucione duhet të mendojnë për punëtorët dhe shtresat në nevojë. Çfarë kosto jetesë është të jetosh në Shqipëri? Kostoja është si të jetosh në Francë, por pagat janë shumë më të ulëta,” tha përfaqësuesi i Unionit të Sindikatave.

Në fund, përfaqësuesi i Unionit të Sindikatave kishte një mesazh të veçantë për të gjithë punëtorët, duke i bërë thirrje që të vrasin frikën.