Edi Rama nuk zhgënjen, e do Shqipërinë në BE vetëm për inat të Opozitës!
Pasi Brukseli konfirmoi zyrtarisht miratimin e Draftit për qëndrimin e përbashkët të Bashkimit Europian për Shqipërinë, bazuar në raportin IBAR, pa asnjë kundërshtim nga shtetet anëtare të BE-së, mëngjesin e sotëm u shfaq Kryeministri Edi Rama me lajmin se më 26 maj në Bruksel, Konferenca Ndërqeveritare Shqipëri-BE do vulos me sukses fazën hyrëse dhe çel fazën përmbyllëse të negociatave të anëtarësimit.
Dhe, për të konfirmuar se ka lindur si çdo morr i kuq, për të urryer, mëngjesin e nis me lajmin e mirë duke përdhosur ata që nuk janë komunistë në këtë vend, ndonëse i dhanë çelësin për t’u miratuar ky draft nga IBAR, Rezolutën për anëtarësimin e Shqipërisë në BE, Opozitën!
“Mirëmëngjes! Thanë negociatat u bllokuan. Thanë Shqipëria u ndëshkua. Thanë Europa u zgjua dhe narkoregjimi u zbulua.
U lëshuan rrugëve me molotovë, për ta djegur Shqipërinë në sytë e të huajve.
U lëshuan nëpër Europë me thasë balte e llumi, për ta zhgarravitur Shqipërinë në sytë e të huajve.
U gënjyen si gjithnjë nga mendja e tyre dhe gënjyen edhe ata gjithnjë e më të paktë, që shkojnë me atë mendje. Humbën përsëri. Dhe Shqipëria përsëri fitoi,” shprehet Edi Rama në vjelljen e tij të mëngjesit përmes rrjetit social Facebook, duke mos harruar të falënderoj ata që e mbështetën për korrupsionin sistemik që, sipas Raportit të IBAR, vazhdon të dominojë administratën publike dhe jetën ekonomike të vendit, që për Bashkimin Evropian mbetet një nga shqetësimet më serioze për Shqipërinë në rrugën drejt integrimit evropian.
Në raportin e IBAR, në grupin e punës COELA, dhe jo atyre që Edi Rama i quan “molotovarë” dhe janë Opozita e këtij vendi të përçarë pas luftës së suksesshme rilindase të klasave “Ne dhe Ata”, thuhet qartë se korrupsioni “mbetet i përhapur në shumicën e fushave të jetës publike dhe ekonomike”, duke përfshirë “të gjitha degët e qeverisjes qendrore dhe vendore”.
Në fund, Bashkimi Europian dhe jo Opozita të cilën e akuzon Edi Rama, identifikon këta sektorë më problematikë: Kadastrën dhe çështjet e pronës, Tatimet dhe Administratën Fiskale, Doganat, Infrastrukturën Publike, Prokurimet Publike,
Kontratat PPP, Shëndetësinë dhe Arsimin.
