PD do ripërtërihet! Terentiusin le ta bëjë Edi Rama!

nga Agim Popoci

Pas Grindjes ndër opozitarë i erdhi radha Ripërtëritjes së Opozitës, fillimin e së cilës Partia Demokratike e paralajmëroi me një Kuvend Kombëtar, Kuvend i cili shqetësoi shumë autorët e Grindjes, nga frika se mos po jetësohet thënia e shkrimtarit të njohur romak Publius Terentius Afera dhe mosmarrëveshjet e përplasjet në Opozitë që e mbajtën në këmbë politikën e Edi Ramës, po çojnë në një pasion opozitarizmi të ripërtërirë ku keqkuptimi edhe mund të zgjidhet.

Ende pa u dëgjuar mirë ideja e autorit të kësaj “Ripërtëritje”, Edi Rama shtypi butonin dhe u aktivizuan fillimisht gjithë bedelët e Zotni Lafshës dhe më pas demokratët hatërmbetur nga Saliu e partia për të zhvlerësuar idenë e këtij Kuvendi; Kur u pa se kjo armatë idiotësh nuk po devijonin dot asgjë nga agjenda e paracaktuar, komediani i këtij fshati sajoi një kaos që syri i kamerës të përqendrohej nga dhuna dhe gjaku shqiptar, dhe sa më larg Kuvendit të Ripërtëritjes së Partisë Demokratike dhe veprës së Sali Berishës!

Kështu, Shqipëria e 30 Majit u fut në një kaos të gjallë, komunistët filluan të barrikadohen në protestë duke mbrojt pronën e Zvërnecit, policia duke akuzuar protestuesit, mediat me në krye kalemin e Kapove të shajnë Saliun se nuk po mbronë pronat e shqiptarëve, patronazhistët si zakonisht në polici private duke shkelmuar shqiptarët, dhe, kur u mendua se vëmendja ishte shpërqendruar nga Kuvendi i Ripërtëritjes së Partisë Demokratike, ndërhynë Qeveria e Komedianit duke shkarkuar shefin e policisë që guxoi të ngre dorën mbi qytetarin!

Ndoshta komediani ynë shqiptar që shkatërroi këtë vend u ngrit kot në lartësi nga partia e tij duke qëndisur propagandë komuniste tek celula “Koha Jonë”, si një njeri me gjuhë jashtëzakonisht të pastër, elegante dhe natyrale, por vepra e tij u bë popullore ashtu sikur se në rastin e shkrimtarit romak Terentius, me komedi, dhe, arriti kulmin në Rilindje.

Ashtu si shumë komedianë romakë, edhe Edi Rama përdori procesin e kontaminimit, duke kombinuar elementë origjinal shqiptar në një dramë të vetme, Rilindja, por, me një dallim thelbësor: Vepra e Terentiusit shërbeu si një frymëzim i drejtpërdrejtë për shumë shkrimtarë të mëvonshëm të komedisë, përfshirë Molierin dhe Shekspirin, ndërsa ajo e Edi Ramës frymëzoi trafikun ndërkombëtar të drogës dhe krimin e organizuar në përgjithësi, përfshirë Ndraghetan dhe Sinaloan.

Kur e ngjizi grindjen në PD, si duket i fortdituri Edi Rama nuk e kishte dëgjuar nga Gjyshja e tij katolike, thënien e madhe latine të të madhit Publius Terentius Afera, “Amantium irae amoris integratio est” /Lexo shqip: Grindja e të dashuruarve është ripërtëritja e dashurisë/, ndoshta nga që vjen nga një komedi romake, ose më sakt komedia e njohur “Andria” e njohur edhe si “Vajza nga Androsi”, por, kur e kuptoi se edhe pas dy vjet të përplasjeve, debateve dhe përçarjeve ndër demokratë, ashtu siç sugjeron thënia latine, e gjitha u kuptua edhe si një pjesë e natyrshme e një marrëdhënieje që çojë në një lidhje më të thellë dhe një pasioni të ripërtërirë opozitarë, pasi keqkuptimet u zgjidhën!

Erdhi dhe mbrëmja e 30 Majit, shumë gjuhëtarë bedelë që studiuan kuptimin e fjalës “ripërtëritje” dështuan, u turpëruan edhe me sinonimet që interpretuan, u kuptua pse komunistët shqetësohen për një pronë në Zonën e Parë Operative dhe pse Goni nuk shqetësohet për pronat e Vlorës dhe nuk bënë dot asnjë minut gjumë për pronat e Rrjollit, komedianit shqiptar iu zbulua edhe horllëku më i madh që i kishte dalë nga goja në lidhje me pronat si Kryeministër i Ballukut, Tigrit, Likes dhe gjithë Shqipërisë, kur i doli jashtë funksionit edhe butoni për të shpërndarë protestën në Zvërnec, ndërsa Kryetari i Partisë Demokratike, Sali Berisha, vazhdoi me Kuvendin Kombëtar të PD i bindur se pas grindjes, baltosjes, izolimit, dhe pamundësisë për garë elektorale, radhën e ka, Ripërtëritja!

Mesazhi, siç tha edhe vetë Sali Berisha, mbart në vete shpresën e pashuar të shqiptarëve, shpresa është forcë, forca është shpresë, dhe, si e tillë do të jetë shumë më shumë tashmë kur Partia Demokratike zgjodhi Kuvendin e ri Kombëtar ku rreth 60% janë nga Forumi Rinor i PD-së dhe Lidhja Demokratike e Gruas, me të cilin edhe do të ripërtërihet

Dhe, do të vazhdoj të jetë e tillë edhe sot kur për Zvërnecin për të cilin u tha se do të zhvillohet nga e bija e Presidentit amerikan, Ivanka Trump, shqiptarët përmbytën rrjetet sociale me dokumente për pronaret reale të tokës, dy holandezet e botës që na dolën si pa dashje se janë, rusja Nikita Maksimovich Vinogradov, dhe, bullgarja Zoya Georgieva Gyurova; Skenar ky i parë edhe me Armët Kimike kur Edi Rama do ti thotë Amerikës – JO, dhe nxjerrë llumin komunist në protesta!

Ndërkohë Edi Rama nuk do të zhgënjej duke luajtur Terentiusin në përpjekje për të qëndisur komedinë e rradhës me aktet nga më të ndryshmet me procesin e anëtarësimit në BE!

Sot, kur nuk dihet se kur do të bëhet Shqipëria anëtare e BE, dhe, dihet se ajo sot do të ishte anëtare e Bashkimit Evropian sikur Edi Rama nuk do të bllokonte për inat të Saliut, në 100 vjetorin e pavarësisë së shtetit shqiptarë, krijimin e Këshillit Bashkiak në Fier, si kushti kryesor i vendosur në atë kohë nga Brukseli për marrjen e statusit të vendit kandidat!