“Patrioti Edi Rama”, shfaqja filloi me SPAK dhe vazhdoi me emocionet e Kryeministrit

Në pritje daljes publike të paralajmëruar të Kryeministrit të të pandehurve Belinda Balluku dhe Arben Ahmetaj në orën 10:00, ku të shqetësuarit për pronën e Zvërnecit që protestuan u zhdukën me pult, u shfaq si rrufe në qiell të hapur, Prokuroria e Posaçme Kundër Korrupsionit dhe Krimit të Organizuar, SPAK, me disa kontrolle në Tiranë dhe Vlorë për, siç u tha, hetimet që po zhvillon për çështjen e tjetërsimit të pronave në zonën e Zvërnecit.

Pse sot nuk dihet, gjithësesi, kontrollet janë urdhëruar për mbledhjen e provave që lidhen me një skemë të dyshuar të përvetësimit dhe falsifikimit të dokumentacionit të pronësisë në këtë zonë bregdetare.

Mes personave ku po ushtrohet kontroll është edhe Pëllumb Petriti, ish-avokat, i cili dyshohet se ka luajtur rol në falsifikimin e dokumenteve të pronësisë në favor të Artur Shehut. Kontroll po mbahen edhe te Redi Struga, inxhinier dhe administrator i kompanisë projektuese “InfraKonsult” sh.p.k.

Mësohet se Kompania e Strugës i ka blerë pronat nga zotërues të tjerë, përfshirë kompaninë “SERE” të grupit Balfin. Struga shërben përmes kompanisë “Albanian Land Development” si ura lidhëse me vëllezërit miliarderë Ramez dhe Mohamad Al-Khayyat nga Katari, të cilët investojnë krah dhëndrit të Presidentit amerikan, Jared Kushner.

Pas këtij akti, kur u krijua ideja se drejtësia ka filluar të lëviz për pronën në Zvërnec, u shfaq i Plotëfuqishmi që shkel ligjin dhe organizon protesta kundër shkeljeve që shoqërohen me protestues, por, tashmë dhe me një ndjeshmëri emocionale pse protestuesit ishin tërhequr zvarrë ndonëse shqiptarët panë skena më makabre në Rrjoll ku policët e Bashkim Ulajt jo një, as një grek të supozuar, por dhjetëra shqiptarë autokton i tërhoqi zvarrë dhe i kërcënoi me vdekje, dhe, ngelën jetim sepse jetojnë në Veri, sepse nuk u blenë nga partia kriminale në pushtet, sepse janë aty ku çdo komunist i Edi Ramës është i bindur se nuk duhen të jenë; Sepse për “patriotin” Edi Rama pak rëndësi kanë pamjet nga Thethi ku edhe turistët u tërhoqën zvarrë, madje nuk ju dhanë kohë të marrin as pasaportat nga bujtinat ku ishin vendosur, sepse Shteti i Ramës erdhi në një ditë të bukur dhe u tha se nuk kanë leje dhe godinat e tyre duhet shembur.

Dhe, duke fol para Grupit Parlamentar të Partisë Socialiste, Edi Rama iu drejtua gjithë atyre komunistëve që protestuan për pronën e Zvërnecit, i zhgënjyer se si kanë menduar se njeriut të cilit i kanë dhënë votën mund të veproj kundër tyre.

“Sikundër jeni në dijeni, dua të flas sot edhe për publikun lidhur me situatën e krijuar për investimin e zonës së Zvërnecit. Dua ta nis me një mesazh të drejtëpërdrejtë për të gjithë ata që janë revoltuar dhe janë rreshtuar edhe kundër meje personalisht pasi panë aktin e neveritshëm të tërheqjes zvarrë të një prej protestuesve. Ju kam, dëgjuar, ju kam lexuar dhe ju kuptoj shumë mirë, madje ju siguroj që në vendin tuaj edhe unë njësoj do të revoltohesha dhe do të rreshtohesha kundër qeverisë dhe kryeministrit sidomos. Sepse do të më dukej e tmerrshme që disa roje sigurie private në sytë e policisë pas një gardhi me tela me gjemba të ulërinin si kafshë e të terhiqnin zvarrë një protestues në plazhin e rrethuar, e policia të thoshte u fut vetë në pronën private e të relativizonte dhunën, kur duhet të arrestohej direkt kushdo që bëri aktin e dhunës.

Do bëja më keq se ju po të më thonin se ajo është pronë e shtetit. Është përhapur kudo legjenda se shteti po i fal tokë Izraelit për të sjellë palestinezët në Zvërnec, apo se aty janë disa rusë që do të ndërtojnë pallate,” tha Edi Rama dhe ndonëse këto ditë është lakuar si tradhtar, tha se ka një anë tjetër të medaljes.

Qytetarët, tha ai, ndoshta do të donin që të dëgjonin që ai të thoshte; më falni, gabuam, projekti do të anulohet, por, ky është Edi Rama, edhe pas gjithë këtij shkatërrimi të vendit, nuk gjen arsye pse duhet ta bëjë këtë?!

“Që do të vijnë për të shkatërruar biodiversitetin e zonës. Po të më thonin se në vend të flamingove do pastroheshin paratë e zeza të mafieve ndërkombëtare. E të tjera që ju kanë thënë dhe i keni thënë duke i shpërndarë, deri duke bërë thirrje për të mbrojtur atdheun në rrezik.

Unë e kuptoj shumë mirë të tërë këtë dhe zemërimin tuaj. Kam dy ditë që e pyes veten dhe po flas hapur, a duhet të tregoj anën tjetër të kësaj medalje, dhe vazhdoni të më ngriti mua tradhtar dhe të shitur te të huajt dhe të oligarkët. Apo mos vallë duhet të them më falni gabuam nuk e gjykuam mirë këtë punë, projekti do të anulohet dhe ju të qetësoheni dhe shijoni fitoren e një kauze që e parë nga ana juaj e medaljes është fisnike dhe un të rri në karrige të shty kohën e pushtetit, me shijen e hidhur të një humbje të madhe për Shqipërinë, për ju, për fëmijët e sotëm të Shqipërisë.

Por baltën e marrë në fytyrë që më vjen për ditë mbi të gjallë dhe të vdekur të shtëpisë time nga turilloj që i ka duruar dhe i duroj, pikërisht sepse këtë mision e mbaj përsipër në emër të shumëkujt nga ju që sot i është bashkuar zemëratës në rrjete sociale duke më treguar mua me gisht.

Çfarë më duhet karrigia pushteti, nëse unë duhet të heq dorë nga vizioni që kam ndarë me ju gjithë këto vite. Heq dorë nga ambicioz për ta bërë Shqipërinë një vend që të mos ketë zili askënd. Për çfarë më duhet pushteti dhe karrigia, që të qetësoheni ju dhe më pas të vazhdoni jetën tuaj dhe në vend të atij investimi të jashtëzakonshëm të bëhet copëtimi i radhës,” tha Kryeministri i Belës dhe Taos duke nxjerrë nga goja edhe fjalë që nuk i beson as pasqyrja e tij, por, jo se ndaloi.

Edhe pse vazhdoi të flas për projektin e Zvërnecit që sipas tij është 4 miliardë euro, Edi Rama kaloi në atë që dinë të bëjë më së miri, patriotin, dhe me demek edhe kundër grekut!

“Në vend të atij investimi të jashtëzakonshëm që po përgatitet atje, të bëhet zbatimi i radhës, Golemi i radhës. Se ju do të rroni më shumë se unë dhe do të shikoni se aftësia dhe kurajoja për ta rikthyer Shqipërinë te Golemi, është e gjallë! Të heq dorë nga vizioni për të bërë Shqipërinë që nuk ka frikë të hyjë në ligën e kampioneve të turizmit global dhe të rrijë këtu në pushtet, duke bërë që të udhëheq një vend që trembet nga këto frikëra.

Një vend që nuk ka frikë nga e ardhmja, është Shqipëria e 12 mln turistëve. Është Shqipëria që e kam ndarë me ju kohë më parë, të hyjë në elitën e turizmit global që sjellin konsumatorë të nivelit të lartë që i lënë paratë këtu. Një vend që nuk ka frikë nga një projekt i jashtëzakonshëm si ky ku partnerë të jashtëzakonshëm janë bërë bashkë me investim 4 mld euro. Jo si ndërtues që ndërtojnë, shesin dhe ikin dhe ua kanë lënë banorëve që nuk marrin dot hipotekën.

Mund të ishte fare mirë dhe nga Izraeli, por nga Katari, që nuk besoj se mund të konsiderohet nga ata që e konsiderojnë vetëm myslimanë. Bëjnë përditë krimin e ndaluar nga Kurani për të helmuar njerëzit me shpifje. Si mund të jem unë kundër jush dhe vetes? Si mund të jenë gazetat e Greqisë aleatët tuaj në mbrojtje të mjedisit tuaj të Shqipërisë. Gazeta greke që janë mbushur sot të gjitha me kauzën tuaj. A ka diçka këtu që nuk shkon? Apo u gjet tradhtari, ai është kryeministri juaj?”

Gjithçka që vazhdoi tutje nuk është për njerëzit normal, ai që vërtetë do të riciklohet në llum komunist ose dhe ti besoj këtij njeriu që rriti mirëqenien, sipas zëvendësit të tij Arben Ahmetaj, duke kanabizuar vendin, pse duhet të mos i besoj edhe kur do të shkel të gjithë ata që i dalin përpara duke përfshirë dhe një zonë të mbrojtur, për të mos përfituar 4 miliardë eurot e Jared Kushnerit, Shefqet Kastratit e pse jo edhe Samir Manes që qenka kruar!