“Veliaj”, SPAK kërkon burg për bashkëpuntorët e kryebashkiakut, Fatmir Bektashin dhe Elman Abulën

Në pretencën e saj para GJKKO për një fraksion të ndarë të dosjes “Veliaj” Prokuroria e Posaçme ka kërkuar dënim me burg për dy bashkëpunëtorët e ngushtë të Kryetarit të Bashkisë Tiranë, Erion Veliaj, për ndëtuesin Fatmir Bektashi 1 vit burg ndërsa për biznesmenin Elman Abule u kërkuan 7 vjet brug ndërsa ish-deputetja socialiste Klotilda Bushka i shpëtoi birucës duke u dënuar vetëm me 600 mijë lekë.

Kështu, për 8 të pandehurit që kanë kërkuar proces me gjykim të shkurtuar si të akuzuar si bashkëpunëtorë të Kryetarit të Bashkisë Tiranë, Erion Veliaj, SPAK në pretencën e saj kërkoi:

– Fatmir Bektashi  1 vit burg/ 8 muaj burg, pezullim pune interes publik.

– Kompania e tij “Kontakt shpk” me 583 mijë leke gjobë.

– Ina Goxhaj me 7 vit burg, që konvertohet në 4 vjet 8 muaj me jgykim të shkurtuar, me përfundim pezullim  dhe shërbim prove 5 vjet.

– Elman Abule u kërkuan 7 vjet, 4 vjet e 8 muaj me gjykim të shkurtuar.

– Frosina Bollo 1 vit burg i konvertuar në 8 muaj.

– OJF-ja “Frobolus” me gjobë 500 mijë lekë, konvertuar në 333 mijë lekë.

– Adela Kondakçi me 7 vjet burg, kthyer në 4 vjet 8 muaj, përjashtim nga dënimi të të pandehurës.

– Ish-deputetja socialiste Klotilda Bushka me 600 mijë lekë gjobë, konvertuar në 400 mijë lekë.

– Flutura Xhani me 60 mijë lekë gjobë, konvertuar në 40 mijë lekë.

– Fatjon Baçi 5 vjet burg, konvertuar me gjykim të shkurtuar në 3 vjet 4 muaj, më tej pezullim dhe kalimi në shërbim prove.