Mediat ruse të tërbuara për përjashtimin nga Kupa e Botës: “Trump e ka lënë xhindin të dalë nga shishja”

Korrespondenti i BBC-së nga Moska, Steve Rosenberg, në përmbledhjen e tij të fundit mbi shtypin rus, analizon se si media dhe publiku atje, në prag të festës kombëtare, Dita e Rusisë, po përballen me pasojat e luftës, problemet ekonomike, por edhe faktin se sot filloi Kupa e Botës, nga e cila Rusia u përjashtua.

In today’s Russian papers: how are the “fuel crisis, petrol sales restrictions, drone strikes, flight delays” affecting Russians’ holiday plans? What “victories” does Moscow think it has already gained? Plus, reaction to the World Cup (that Russia is banned from.) #ReadingRussia pic.twitter.com/xXccBbGWVx

— Steve Rosenberg (@BBCSteveR) June 11, 2026

Kupa e Botës pa Rusinë: Sulme ndaj Trumpit për Iranin

Sot, Kupa e Botës, nga e cila u përjashtua Rusia, fillon në Kanada, Meksikë dhe SHBA. Me këtë rast, gazeta Moskovsky Komsomolets sulmoi ashpër Donald Trumpin për përshkallëzimin aktual dhe sulmet ajrore ndaj Iranit.

“Trump, si një nga organizatorët e kampionatit, dështoi të siguronte paqen gjatë kampionatit të futbollit. Kur e lëshon xhindin nga shishja në Lindjen e Mesme, të gjithë e dinë sa e vështirë është ta rikthesh atë. Shumë më e vështirë sesa, për shembull, për SHBA-në të fitojë Kupën e Botës,” shkruan gazeta e Moskës.

Pavarësisht ndalimit të ekipit kombëtar, media ruse po e ndjek turneun në detaje, duke ofruar recensione të gjera të të gjitha grupeve dhe ekipeve kombëtare dhe duke thënë se ata do të “shijojnë madhështinë e futbollit”.

Në fund, Steve Rosenberg komentoi gjithashtu seksionin satirik të gazetës Komsomolskaya Pravda, duke arritur në përfundimin se shakaja e publikuar në të vërtetë pasqyron në mënyrë të përsosur realitetin shoqëror. Aty thuhet:

“Tradicionalisht në Rusi, gjërat mund të zhvillohen vetëm në njërën nga dy mënyrat – ose sipas skenarit më të keq të mundshëm, ose sipas atij krejtësisht të pamundur.”