Sot Superkupa e Kosovës

Emocionet e futbollit të Kosovës rikthehen sonte në ndeshjen e Superkupës.

Kampionia e Kosovës, Drita do të përballet me fituesen e Kupës, Prishtinën. Dy skuadrat e mëdha në futbollin tonë, do të përplasen sonte në stadiumin e rinovuar të Prishtinës që tashmë mban emrin e legjendës së futbollit Fadil Vokrrit, raporton RTK.

Pas dy viteve, tashmë “tempulli” i futbollit është gati. Ky stadium që tashmë ka marr pamjen e një stadiumi evropian, hapet sonte pikërisht me sfidën mes Dritës dhe Prishtinës, skuadra këto që synojnë ta nisin edicionin e ri me trofe.Stadiumi “Fadil Vokrri” sonte pritet të jetë i mbushur nga tifozët e të dy skuadrave, sepse interesimi për bileta ka qenë mjaft i madh nga tifo-grupet e të dy skuadrave.

Ndeshja mes Dritës dhe Prishtinës fillon në orën 20:00.