Prattipati: Kosova të furnizohet me gazin natyror të SHBA, LNG

E ngarkuara me punë e Ambasadës së Shteteve të Bashkuara në Prishtinë, Anu Prattipati, ka bërë thirrje që Kosova të diversifikojë furnizimin me energji përmes gazit natyror të lëngshëm, LNG, nga SHBA, me qëllim të sigurimit të investimeve të ardhshme amerikane.

Anu Prattipati i bëri këto komente gjatë ceremonisë së ndarjes së çmimeve “USA-Kosovo Partnership Award”, ku u vlerësuan anëtarët e Odës Ekonomike Amerikane në Kosovë për kontributin e tyre në forcimin e tregtisë ndërmjet Kosovës dhe Shteteve të Bashkuara.

Ndërkohë, përmes një njoftimi në rrjetin social Facebook, Ambasada e SHBA në Prishtinës, ka përshëndetur edhe vendimin e Kosovës për eliminimin e tarifave doganore për mallrat amerikane, duke e cilësuar atë si një hap të rëndësishëm për thellimin e bashkëpunimit ekonomik mes dy vendeve.