Albin Kurti ftesë për takim liderëve të PDK, LDK e AAK

Lideri i Lëvizjes Vetëvendosje si fituese e zgjedhjeve të 7 Qershorit dhe Kryeministri në detyrë, Albin Kurti, u ka dërguar ftesë për takim krerëve të partive opozitare, PDK, LDK e AAK.

Zëdhënësi i Qeverisë, Arlind Manxhuka, duke konfirmuar se ftesat u janë dërguar sot në mëngjes krerëve të PDK-së Bedri Hamza, LDK-së Lumir Abdixhiku dhe AAK-së Ardian Gjini, ku pritet të diskutohet për krijimin e institucioneve të reja pas zgjedhjeve të parakohshme.

“Po, sot në mëngjes kryeministri Kurti ka dërguar letër për takim tre kryetarëve, të PDK-së, LDK-së dhe AAK-së,” tha Arlind Manxhuka.

Ndryshe, ftesat për takim lideri i Lëvizjes Vetëvendosje, Albin Kurti i dërgoi një ditë pas certifikimit të rezultateve të zgjedhjeve të mbajtura më 7 qershor nga Komisioni Qendror i Zgjedhjeve, ku LVV ka fituar 53 mandate, PDK 22 , LDK 18 dhe AAK 7 mandate.