Para Grupit Parlamentar të PS/ Edi Rama sot foli me Pasqyrën dhe i rezultoi si Chaplinit, s’kishte miq!

Sot Kryeministri Edi Rama e vazhdoi para deputetëve të tij aty ku e lanë revolucionarët e tij të Flamingos duke përgojuar të gjithë por vetëm jo turpin më të madh që prodhoi rilindja, Kryetarin e Bashkisë Tiranë, Erion Veliaj, i cili po çuditë dynjanë duke vazhduar ta drejtoj kryeqytetin shqiptar nga qelia ku po qëndron si i akuzuar me 13 akuza të rënda, ndëesa shqiptarët vazhdojnë dhe paguajnë Inceneratorin e Tiranën që nuk e ekziston.

Dhe në fund, Edi Rama u bë më qesharak se kurrë, që nga ecejaket e tij në plazhet nudo e deri tek pllakosja në fronin e Kryeministrit duke ju thënë deputetëve pas 13 vjet qeverisje dhe terrori shtetëror të administratës, se do të propozojë që çdo ndërhyrje e një deputeti në telefon për të futur një njeri në punë do të konsiderohet vepër penale! Por, jo dhe çdo ndërhyrje e një deputeti në telefon për të larguar rivalët politikë nga puna, siç bëri kjo qeveri që nga dita e parë që shkeli në pushtet.

Kjo marrëzi e bëri për të qeshur dhe njërin nga deputetët e tij prezent në sallë të cilin Edi Rama e kërcënoi në çast:

“Po qesh dikush aty? Kanë ardhur kohë të këqija. Kush mendon që do e shtyjë sa ta shtyjë, do të hajë një të shtyrë që në fund do t’i lutet Zotit kur do bjerë në fund. Nuk shtyhet më kështu. Provimi nuk është vetëm një ekran, por sistem!”

Këtë teatër absurd para Grupit Parlamentar të Partisë Socialiste dhe kabinetit qeveritar, Kryeministri Edi Rama e nisi duke folur për hendekun e krijuar në mes të qeverisë dhe qytetarëve ndërsa propozoi atë që dinë të bëjë më së miri, propozimin dhe jo zbatimin e reformave që në këtë rast i duhet për marrëdhënien qytetar-shtet.

“Sot duhet të ndeshemi me 3 plagë që ushqejnë njëra tjetrën. Njëra plagë është plaga e shtetit labirintit, qytetari nuk di kur dhe kush duhet ti përgjigjet.

Plaga 2 është mungesa e memories institucionale. Premtohet, flitet vendoset por nuk mbahet regjistër llogarish për atë që u bë, për atë që nuk u bë, për atë që u vonua apo për atë që ndryshoi rrugës. Memoria institucionale nuk është protokolli i institucionit. Është shumë më tepër. Mungesa i kushton shtetit dhe qytetarit shumë herë më tepër se sa mund të imagjinohet.

E treta është plaga e derës që nuk duket, të cilën e sheh dhe mund ta prekësh tek ndjenja shpesh herë e drejtë e çdo njeriu në Shqipëri që për një shërbim, për një vend pune, njohja vlen më shumë se merita dhe fati vlen më shumë se ligji. Pasqyrë Albania, Prania besnike, Besa dhe shkalla e meritës janë pjesë e pandashme e përpjekjes për t’iu dhënë përgjigje këtyre pyetjeve”, tha Rama ku pjesë e Pasqyrës sipas tij duhet të jenë edhe dy pushtete të tjera, ai legjislativ dhe gjyqësor.

“Pasqyra nuk ka deklaratë çfarë do bëjmë ne, por çfarë bën qeveria, çfarë bën me gjasë parlamenti dhe pushteti gjyqësor,” tha Kryeministri i Taos dhe Zegjinesë duke bërë të ditur se pjesë e kësaj nisme do të jetë edhe “Pasqyra e Flamingos”, ku do të paraqiten në mënyrë të detajuar të gjitha aspektet që lidhen me çështje me rëndësi të veçantë.

“Shfaqja e parë e Pasqyrës do të jetë një komponent i saj do të jetë Pasqyra e Flamingos ku do të eksponohen të gjitha akseptët që lidhen me një çështje të një rëndësia së veçante. Tema e Sazanit dhe Nartë Pish Poros do të jetë e ekspozuar me dokumentet përkatës. Me të dhënat e procesverbaleve, me statusin e negociatave me referencat ligjore për të gjitha pikat e ngritura si problem dhe më pas do të pasqyrohet hap pas hapi me projektin, studimin mjedisor dhe gjithçka. Kështu do të ecet me të gjitha projektet e tjera

Statusi i çështjes, qoftë kolektive qoftë individuale nuk mund të jetë një dekor që të mbetet vetëm te fjala në proces. Duhet të japë më shumë të dhëna., nëse është me vonesë, thuhet që Po jemi me vonesë. Nëse është i përfunduar, jepet prova e përfundimit. Nëse është e pezulluar jepet arsye e pezullimit. Nëse është i anuluar jepet vendimi i anulimit dhe historia nuk mbetet aty. Një shtet që nuk mban mend ca ka thënë dje nuk kërkon dot besim dot,” tha Rama duke propaganduar funksionin e “Pasqyrës” pavarësisht nëse të dhënat e publikuara përdoren për të kritikuar apo për të mbështetur qeverinë, me idenë se dikush edhe do ti besoj.

“Nëse pasqyra përdoret kundër qeverisë pasqyra funksionin dhe qeveria nuk duhet të zihet me pasqyrën dhe duhet të merret me veten dhe nëse nuk është në gjendje të merret me vetën duhet të hapë krahun. Kaq e thjeshtë është. Kjo është detyra e PS ndaj popullit shqiptar.”

Në këtë grumbull marrëzishë që nxori nga goja, Edi Rama u tha deputetëve çfarë nuk duhet të bëjnë, gjëra që kryesisht i ka bërë vetë ai duke përfshirë deputetin, mjekun, inxhinieri, e propozimi i ngjante më shumë një muhabeti me raki e qifqi!

“Në s’duam që Besa të mos mbetet fjala e madhe e grabitur nga përmbajtja, nëse duam që Pasqyra të funksionojë jo si shfaqja e fundit e PS, por të gjitha bashkë ti japin një fuqi të ri shumicës sonë. Vija e panegociueshme është partia nuk bën shtetin, deputeti nuk ndërmjetëson favor, kryetari i partisë nuk është sportel punësimi. Militanti nuk është rruga e qytetarit për të marrë të drejtën që i jep ligji,” tha Rama duke shkuar në detaje sikur me hotelin e Fanes sikur do që ti fus tritolin edhe funksionimit të “Pranisë Besnike”.

“Prania Besnike duhet të ketë sekretariatet e veta, të ekonomisë, bujqësisë dhe çështjeve sociale. Duhet të ketë orët fikse dhe vendet,” tha Kryeministri i hajdutes Balluku duke kërkuar dhe ndryshimin e rolit të deputetëve:

“Edhe roli i deputetit duhet të ndryshojë. Deputeti duhet të sjellë dhe të përcjellë. Deputeti është njeriu i duhur për të sjellë sinjalin në institucion dhe jo në Instagram.  Deputetët nuk duhet të bëjnë Arqile Bodin, ndjesë pastë. Kur çështja kërkon mjekun, duhet të flasë mjeku; kur duhet inxhinieri, duhet të flasë inxhinieri.”

Dhe sa më shumë që kalonte koha, Edi Rama bëhej më qesharak, dhe filloi të se si duhet të jetë një deputet sipas tarafit të tij në mandatin e katërt.

“Në këtë botë pasqyrash, humbja e kontaktit me njerëzit është një problem fatal. Kështu që moduli i matjes së performancës së deputetit me 100 pikë të ndara, jo si ritual ndëshkimi apo marrja masash, është disiplina e mandatit të katër dhe është disiplinë e domosdoshme për të mos dalë me shqelma jo nga qeveria, por nga historia në fund të këtij mandate. Është disiplinë mandati që duhet të lidhi punën parlamentare, praninë në territor, cilësinë e dëgjimit dhe të përgjigjes për atë që dëgjojmë, punën me strukturat dhe vlerësimin nga njerëzit së bashku me atë hartën ku Finiqi apo Konsipoli i sotëm duhet të bëhet PS edhe aty,” tha Rama dhe për të konfirmuar se sa rëndë që është, në 13 vjetorin e terrorit socialist mbi administratën shtetërore kërcënon deputetët e tij se nuk do të guxojnë të fusin njeri në punë, thuajse ky është halli shqiptar dhe jo ai që kjo bandë e bëri me llupë, largimin e çdo demokrati nga puna!

“Unë do propozoj që çdo ndërhyrje e një deputeti në telefon për të futur një njeri në punë të konsiderohet vepër penale. Do e propozoj këtë, do u shoh të gjithëve në sy dhe do u kërkoj që ta votoni.

Çdo mesazh i dërguar, që fut këtë në punë dhe shikoje pak atë, të konsiderohet vepër penale. Kjo, sepse një deputet që e bën këtë nuk është i denjë, pasi po bën padrejtësi mbi ata qytetarë, që nuk janë pjesë e rrethit të tij, që nuk janë pjesë e familjes së tij, që nuk janë pjesë e rrënjëve të tarafit të tij dhe që nuk janë shokë fëmijërie të tij. Nuk mundet që të shikojnë fëmijët e tyre duke i rritur me mijëra halle, të mësojnë fort dhe në fund shohin që fëmijët e tyre parakalohen vetëm nga mesazhet e deputetit. Vepër penale,” tha Kryeministri Rama gjatë këtij momenti emocional vajtimi ku vetëm njëri prej deputetëve guxoi edhe të qesh!

Kryeministri Edi Rama kot që e qortoi madje edhe kërcënoi, sepse ishte pikërisht ky moment që i bëri të qartë pse nuk ka më miq dhe pse e kërkon me kaq vendosmëri Pasqyrën, atë që komediani i njohur anglez Charlie Chaplin e ka konstatuar shumë kohë më parë:

Pasqyra është miku im më i mirë sepse kur qaj, ai nuk qesh kurrë!