“Arrest në shtëpi”/ SPAK, masë sigurie për kreun e Shërbimit Informativ, Vlora Hyseni!
Gjykata e Posaçme Kundër Korrupsioni dhe Krimit të Organizuar, GJKKO, ka miratuar kërkesën e Prokuroria e Posaçme kundër Korrupsionit dhe Krimit të Organizuar, SPAK, dhe ka lëshuar masën e sigurisë “arrest në shtëpi” për drejtoren e Shërbimit Informativ të Shtetit, SHISH, Vlora Hyseni.
“Është rasti i parë që një zyrtare e lartë merr këtë masë sigurie. Teksa pretendohet se kreu i SHISH ka në dorë sekrete te shqiptarëve, ka përfunduar në një masë arresti. Nuk është e konfirmuar nëse i është komunikuar kjo masë sigurie apo jo. Është zyrtari i parë i lartë në këtë detyrë që përfundon në këtë akuzë nën dyshime nga SPAK,” raporton News 24 ndërsa flet dhe për pezullim nga detyra në kuadër të aksionit të hetimeve në orën 7:30 i cili vijon dhe aktualisht po ushtrohen kontrollepër skandalin tek AKSHI, ku nën hetim është ish-drejtorja e këtij institucioni, Mirlinda Karçanaj, pas hekurave Ergys Agasi dhe Ermal Beqiri.
Përveç kreut të Shërbimit Informativ të Shtetit, SHISH, Vlora Hyseni, Gjykata e Posaçme Kundër Korrupsioni dhe Krimit të Organizuar, GJKKO, ka miratuar edhe kërkesën e Prokurorisë së Posaçme, SPAK, për të ushtruar kontrolle në banesën e ish kreut të Policisë së Shtetit, Ilir Proda,
Ndryshe, kreu i Shërbimit Informativ të Shtetit, Vlora Hyseni, ka qenë shpesh herë në shënjestër të akuzave të opozitës. Ajo mori zyrtarisht detyrën në prill të vitit 2023, duke u bërë e para grua që udhëheq shërbimin inteligjent shqiptar.
Përpara këtij emërimi, ajo ka pasur një karrierë të gjatë në strukturat e sigurisë kombëtare në Kosovë. Pas largimit nga postet në Kosovë, ajo shërbeu për rreth dy vite si këshilltare për sigurinë kombëtare e Kryeministrit të Shqipërisë, Edi Rama.
Në Kosovë, ajo ka mbajtur postin e zëvendësdrejtoreshës së Agjencisë së Kosovës për Inteligjencë, AKI, por sipas raportimeve, ajo u shkarkua nga ky post për arsye që nuk janë bërë të ditura publikisht. Por, emërimi i saj në krye të SHISH nga Edi Rama, u konsiderua si angazhim i një personi të shantazhueshëm që krye te sigurisë kombëtare.
