28 vjet nga masakra e Abrisë së Epërme

Më 26 shtator 1998, në Abri të Epërme, forcat serbe kryen një nga masakrat më të tmerrshme gjatë luftës në Kosovë. Në këtë ditë u masakruan 23 anëtarë të familjes Deliu, në mesin e tyre gra, fëmijë e pleq, nga mosha gjashtë muajsh deri në 94 vjeç.

Nga 25 shtatori, familja Deliu ishte strehuar në mal, për t’i shpëtuar sulmeve serbe. Një ditë më vonë, më 26 shtator, rreth orës 10:00 paradite, aty kishte depërtuar këmbësoria serbe. Me këtë rast ishin dëgjuar të shtëna armësh e britma njerëzish.

Pas sulmit u zbulua, se të gjitha viktimat, fëmijë, pleq, gra e të rinj, ishin qëlluar në kokë nga afërsia. Trupat e të ekzekutuarve tregonin dëshmi të qarta të një kasaphane.

Më vonë po atë ditë, 14 burra u zgjodhën rastësisht disa kilometra larg Abrisë së Epërme, u abuzuan për disa orë, pastaj përfundimisht 13 u ekzekutuan në Golubovac.

Më 27 shtator gazetarët dhe studiuesit e Human Rights Watch mbërritën në fshat dhe dokumentuan masakrën, duke raportuar në mediat perëndimore për masakër ku vranë 9 gra dhe 5 fëmijë