Bordi i i Transparencës, rritet çmimi i naftës me 4 lekë ndërsa benzina ulet me 7 lekë

Bordi i Transparencës ka ndryshuar sërish çmimet e karburanteve, duke rritur çmimin e naftës me 4 lekë ndërsa atë të benzinës vendosi ta ul me 7 lekë.

Nafta do të tregtohet me 216 lekë për litër nga 212 lekë sa ishte deri më sot, ndërsa benzina do të tregtohet me 172 lekë për litër, nga 179 lekë që ishte sipas vendimit të fundit.

Kështu, Bordi i Transparencës sot në datë 4  Nëntor 2026, vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 216 lekë/litri, ndërsa i shitjes me shumicë jo më shumë se  204lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 172  lekë/litri, ndërsa i shitjes me shumicë jo më shumë se 160 lekë/litër.

Bordi i Transparencës dhe Kufizimit të Përkohshëm të çmimeve të tregtimit me shumicë/pakicë të nënprodukteve të naftës dhe të gazit, thekson se çmimet e caktuara nga Bordi do të hynë në fuqi sot nga ora 14:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.