Njohja e Kosovës dhe sanksionet ndaj Rusisë kushte për Serbinë, Ambasadori i BE: Lista e Studentëve premtoi shumë
Vendosja e sanksioneve ndaj Rusisë dhe njohja e pavarësisë së Kosovës janë kushtet e Bashkimit Evropian për Serbinë, tha Ambasadori i BE-së në Beograd, Andreas von Beckerath, për televizionin publik serb RTS duke theksuar se “Lista e Studentëve” premtoi shumë.
“Kushtet për pranimin e Serbisë në BE nuk kanë ndryshuar, ndër të tjera, kur flasim për përafrimin me politikën e përbashkët të jashtme dhe të sigurisë të BE-së, ajo shkallë e përafrimit me Serbinë është shumë e ulët në krahasim me vendet e tjera kandidate, dhe e njëjta gjë vlen edhe për normalizimin e marrëdhënieve në dialogun midis Beogradit dhe Prishtines. Ekzistojnë gjithashtu pritje që Serbia duhet t’i përmbushë në këtë drejtim,” tha Andreas von Beckerath duke mos fshehur prishmëritë nga qeveria e re, pra “Lista e Studentëve”, t’i përmbushë premtimet e saj.
https://t.co/6Fwxp8TCS6
— Moral (@Moral_nemoral) November 4, 2026
“Shpresoj që qeveria e re do t’i përmbushë premtimet e saj dhe se do të rivendosë besimin midis vendeve anëtare në Bruksel kur bëhet fjalë për angazhimin e Serbisë për përmbushjen e vlerave të Bashkimit Evropian dhe përparimin drejt anëtarësimit”, tha Von Beckerath.
I menjëhershëm ishte reagimi i ish-presidentit Vuçiç, humbës i zgjedhjeve përballë Listës Studentëve:
“Dëgjova me kujdes intervistën e Andreas von Beckerath, kreut të BE-së në Beograd. Dhe kur lë mënjanë të gjitha lëvdatat për Listën e Studentëve, të gjitha gjërat e mrekullueshme dhe kritikat për ne për çështje të ndryshme, në fund të fundit është kjo, ai thotë se pret që Lista e Studentëve të përmbushë dhe zbatojë premtimet që u dhanë.
Ai nuk tha saktësisht se cilat, përveç se më pas foli për harmonizimin e politikës së jashtme me politikën e BE-së, që do të thotë vendosja e sanksioneve kundër Rusisë, dhe një gjë tjetër është situata rreth Kosovës, ku duhet të merren detyrime të caktuara,” tha Aleksandar Vuçiç në reagimin e tij përmes rrjetit social Instagram dhe duke mos rikujtuar premtimet e tij karshi BE-së kur ai u ul në fron, çuditërisht foli me shumë lehtësi për rastin “Zoran Zaev” të Maqedonisë duke paralajmëruar fituesit se çfarë fati mund të kenë:
“A ju kujton e gjithë kjo diçka? A ju kujtohen lëvdatat e qeverisë së Zoran Zaev, Marrëveshja e Prespës, ata ndryshuan emrin e vendit, bënë gjithçka dhe në fund nuk bënë asgjë. Po u kërkoj të gjithë njerëzve në këtë vend që po mendojnë për diçka me kundërshtarët tanë, ta mbajnë mend këtë. Që ata të shohin mirë se cila është e ardhmja e Serbisë, a kemi interesat tona kombëtare dhe a duam t’i mbrojmë ato.
Jam shumë, shumë i shqetësuar dhe po të isha në vendin e tyre, do të isha shumë i kujdesshëm për atë që duhet të bëjmë, dhe kam frikë se ata do të përmbushin vetëm atë që premtuan, dhe ky premtim nuk jepet për budalla, por për gjithë mbështetjen që morën në periudhën e mëparshme për rrëzimin e qeverisë së zgjedhur nga populli.”
