Bordi i Transparencës vazhdon uljen e çmimit të naftës dhe benzinës, sot me 3 lekë

Bordi i Transparencës vazhdon me uljen e çmimit të naftës dhe benzinës, por ndryshe nga vendimi i djeshëm historik me 2 lekë, sot ulja u bë me 3 lekë, dhe duke filluar prej sot nafta do të tregtohet me pakicë me jo më shumë se 205 lekë/litri, nga 208 lekë sa ishte më parë, ndërsa benzina me jo më shumë se 164 lekë/litri, nga 167 lekë sa ishte më parë.

Kështu Bordi i Transparencës sot në datë  11 Nëntor 2026, vendosi:

Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 205 lekë/litri, ndërsa i shitjes me shumicë jo më shumë se  193 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 164 lekë/litri, ndërsa i shitjes me shumicë jo më shumë se 152 lekë/litër.

Çmimet e caktuara nga Bordi do të hynë në fuqi sot datë 11 Nëntor ora 14:00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.