Kryeministri Edi Rama mund të jetë pa pushtet ashtu siç thotë Elisa Spiropali, por Edi Rama është me një hall të madh, përmasat e të cilit, po, i dinë vetëm Belinda Balluku ashtu si dhe synimin: Jetëgjatësinë e Sundimit Komunist!
Nuk kishte se si të mendonte ndryshe një mashtrues i këtij kalibri përveç se të përçaj për të sunduar, dhe jo për të menduar për zgjidhjen e problemit me të cilin u përball me shpërthimin e protestave të studentëve.
Dhe, si megalloman i thekur që është, Edi Rama e projekton veten tek njerëzit e mëdhenj, dhe tani që është në hall të madh me Protestat e Studentëve dhe Belën e shqetësuar, i shkon mendja të mendoj edhe si Filipi II e pse jo dhe si Aulus Gabini!
Madje tek ky i fundit, përveç ngjashmërisë së frikshme ku mungon vetëm “kombi hebre” ndryshe nga ai shqiptar që Edi Rama e e finalizoi duke e ndarë në copa kur shpërthyen protestat e studentëve, qartësisht në pesë copa me teknikën që Flavio Josefi e raportoi te Lufta çifute, shqiptarët e panë me sytë e tyre që nga e dita e parë kur erdhi në krye të Partisë Socialiste dhe filloi luftën për pushtet; Çdo detaj të kësaj teknike, ashtu siç u shpërbë Lidhja akeane kur u bë pjesë e provincës romake të Maqedonisë, pasi romakët i trajtuan shtetet e ndryshme ndryshe, duke dashur të ruanin disa dhe të shkatërronin të tjerët. Pra, pikërisht ashtu siç bëri Edi Rama:
– krijimin ose inkurajimin e ndarjeve midis subjekteve për të parandaluar aleancat që mund të sfidonin forcat sovrane dhe shpërndarëse në mënyrë që ato të mbizotërojnë njëra-tjetrën.
– ndihmën dhe promovimin e atyre që janë të gatshëm të bashkëpunojnë me sovranin
– nxitjen e mosbesimit dhe të armiqësisë midis pushtetarëve vendas
– inkurajimin e shpenzimeve të pakuptimta që zvogëlojnë aftësinë për shpenzime politike dhe ushtarake.
Dhe, me ardhjen në pushtet, Edi Rama harroi se njerëzit me të cilët erdhi në pushtet, një ditë do të përballen me ata që po i mbajnë në pushtet dhe nuk po shpërblehen, kështu dhe ndodhi me pushtetin e tij të konsumuar pas tri mandateve.
Studentët kur filluan të shohin botën me sy e kuptuan se nuk ishte ajo e Edi Ramës, madje edhe mundësia për ta parë këtë botë ishte falë Saliut që kishte liberalizuar vizat, e Kryeministri i tyre socialist nuk e bëri për tre mandate as dhe një Kampus Universitar që e kishte premtuar.
Kur revolta shpërtheu, Edi Rama lëshoi fillimisht lakejt e tij politikë për të mos i lënë vend Partisë Demokratike si të vetmen rivale që kishte, dhe për këtë filluan të kujdesen treshja kriminale Goni-Lapaj-Qorri, që filluan ta promovojnë veten si buka dhe gjella e Protestës!
Për studentët, Edi Rama mendoi se do ti manipuloj lehtësisht si më parë përderisa e konsideroj punë të kryer baltosjen e PD me gjithë arsenalin e dhunës që infiltroi në protestë, duke mos u kujdesur në një detaj që e la zbuluar: Agresivitetin revolucionar të së majtës, që demokratët nuk e treguan në asnjë protestë të opozitës për 13 vjet, kur policia u ndërsye në protestues demokratë me autobotë helmues, gaz lotsjellës dhe dajak pa fund!
Këtu, kutërbimi i qelbit të majtë revolucionar e alarmoi Edi Ramën i cili në daljet publike pa fund e shfaqte shqetësimin e tij, bënte thirrje për dialog me studentë pa Saliun dhe bënte sikur nuk po dëgjonte ultimatumin “Rama jepe dorëheqjen”!
Pas Asamblesë Kombëtare të PS, kur Edi Rama e kuptoi se jo shtetin por as hyzmeqarët e tij nuk i kishte në linjë, avancoi me mashtrimin e tij në përpjekje për të përçarë studentët, duke nisur mëngjesin e 21 Nëntorit të sotëm me një lajm që nuk e beson as vetë: Dialog me studentët!
“Mirëmëngjes, dhe me një videokartolinë nga dialogu me studentë që besojnë te protesta jo te gurët, me të cilët ramë dakord të mos e publikojmë hëpërhë debatin po vetëm pamjet, si edhe me falenderimin për Sara Bodon që e ka kthyer Agjencinë Kombëtare të Rinisë në një magnet për vajza e djem pa dallim bindjesh, ju uroj fundjavë të qetë,” shprehet Edi Rama përmes rrjeteve sociale duke e cilësuar dialog inkurajues takimin me studentë patronazhist të partisë në Pallatin e Brigadave, që sipas tij, besojnë te protesta, jo te gurët dhe që “çuditërisht” më gjetën dakord në jo pak nga shqetësimet e tyre.
Nuk është e qartë pse gjithë ky shpenzim kot i energjisë së Edi Ramës për të treguar se mund të mbledhë një grusht studentësh që e dëgjojnë kur dihet se llumi komunistë mund të mbledh edhe shumë më shumë studentë dhe nuk e konteston njeri, por Kryeministri nuk tha se si do ja bënte me studentët që protestojnë para Zyrës së tij në Bulevard dhe nuk duan t’ja dijnë as për treshen e morrave që mbijetuan në politikë duke e sharë Saliun: Goni, Lapaj dhe Qorri!
Apo, ashtu siç tha edhe Spriopali e më pas e konfirmoi edhe Lali Eri, urdhrat i jep Bela!
Kështu, nisi për t’i përçarë studentët me mëngjes dhe përfundoi në Asamblenë socialiste të bërë copash të Tiranës nga sexi dhe droga, sepse as te rocki and rolli freshistët nuk e kanë më mendjen.
Mashtrimi me Asamblenë e Tiranës
Mbajtja e Asamblesë së Tiranës dëshmoi se Partia Socialiste nuk është thjeshtë një bandë kriminale, por një bandë e majur në euro dhe dollarë që ka dal jashtë kontrollit të krijuesit, Sigurimit të Shtetit.
Bela mund të ketë pushtet, Bela mund të jetë rikthyer në PS edhe për hakmarrje, si Bela ashtu dhe Rama me Co. mund të kenë vjedhur miliarda euro, por kur e sheh Edi Ramën duke i kërkuar votën elektoratit të tyre komunistë në Tiranë me premtimin se do ta anëtarësoi Shqipërinë në BE, sot është e qartë Kryeministri Rama vërtetë është për keqardhje, aq më shumë kur e sheh të bindur se sot është më i fortë së bashku me Partinë Socialiste, kur të gjithë menduan se ky ishte fundi i tyre.
“Ne gjithmonë jemi përpjekur të kuptojmë çfarë duhet të bëjmë më mirë edhe pasi kemi fituar. Dhe kur të tjerët presin të vijnë zgjedhjet për të filluar të organizohen, ne fillojmë të organizohemi sapo zgjedhjet mbarojnë. Sepse ne e dimë që fitorja nuk na pret ne, fitorja duhet marrë me punë, me përulësi, me kurajo dhe, mbi të gjitha, me avantazh mbi kundërshtarët.
Dhe sot, kur dera e Europës, falë këtyre përpjekjeve, është e hapur dhe më pranë se kurrë, ne jemi këtu për të siguruar Shqipërinë dhe shqiptarët se ajo derë nuk do të mbyllet pa hyrë Shqipëria në të,” thotë njeriu që nuk e garanton as hapjen e derës së Partisë ku është kryetar por merr horra me shkopa bejzbolli nga Roma e Guayaquili, për tu mbrojtur nga studentët shqiptarë, dhe teksa nuk jep llogari për mandatin që ka marrë nga populli dhe korrupsioni në qeverisjen e tij gëlon, si maskara i pashembullt që është zë vend edhe në strehën ndonëse të identifikuar 250 vjet më parë nga shkrimtari anglez Samuel Johnson, Patriotizmin.
“Dhe më 9 maj, në Ditën e Madhe të Europës, asgjë nuk është rastësi. Flamuri i Skënderbeut dhe i Ismail Qemalit do të valëvitet fitimtar, krah për krah me flamurin e Europës. Jo sepse do t’i fitojmë ne zgjedhjet, por sepse ne do të fitojmë për Tiranën dhe Shqipërinë, dhe Tirana dhe Shqipëria fitojnë vetëm me Partinë Socialiste. Me trëndafilin në dorë, kurajën në zemër dhe kthjelltësinë në mendje, askush, asgjë, asnjëherë, ne nuk na ndal,” tha Edi Rama para Asamblesë së PS Tiranë, që studentët edhe mund të mos e ndalin edhe pse nuk i përçau, por, harroi faktorin më të rëndësishëm në këtë veprimtari kriminale, dhe, vetëm kjo ngelet enigmë:
Sundimin e Shqiptarëve, si nuk do ta ndalë nëse Bela i thotë: Hap krahun!