Aligatori lë të vdekur një grua që po shpëtonte qenin

Një grua ka vdekur pasi u sulmua nga aligatori ndërsa po shëtiste qenin në një zonë të banuar ekskluzive në Hilton Head në Karolinën e Jugut, kanë bërë të ditur sot zyrtarët lokalë.

45 vjeçja, Cassandra Cline po shëtiste qenin pranë lagunës kur u sulmua nga aligatori, e në përpjekje për të shpëtuar qenin, aligatori e tërhoqi drejtë ujit, sqaroi zëdhënësi i Zyrës së pasurive ujore të Karolinës së Jugut, David Lucas.

Zyra e Sherifit të qarkut Beaufort thekson se ishin të parët ata që arritën në vendin e ngjarjes dhe gjetën gruan e vdekur në ujë ndërsa qeni ishte i pa lënduar. Dëshmitarët, sipas kësaj Zyre, aligatorin  e kanë përshkruar me një gjatësi prej 2.4 metra.

Për 40 vite, thekson Lucas, në këtë shtet federal është shënuar vetëm edhe një rast me vdekje pas sulmit të aligatorit ndonëse kishte rreth 20 sulme, por pa pasoja vdekjeprurëse.

David Lugas sqaron se lagunat në ishullin Hilton Head janë vendet natyrore ku qëndrojnë aligatorët dhe shërbimi për mbrojtje paralajmëron qytetarët që të mos ushqejnë aligatorët dhe të mos shëtisin qentë e tyre pranë lagunës.