Video/ Kapen dy trafikantë me 7 kg Cannabis Sativa në formë çokollate. Ja emrat…
Duke u bazuar në informacionet e marra në rrugë operative, policia e Elbasanit, në aksin rrugor Peqin-Elbasan ka kontrolluar mjetin e 37 vjeçarit A.Gj. nga Tirana, me ç’rast ka gjetur 7 kilogramë lëndë narkotike Cannabis Sativa në formë çokollate.
Operacion antidrogë i koduar “Bradasheshi” u finalizua me arrestimin në flagrancë të poseduesit të lëndës narkotike, A.Gj. 37 vjeç nga Tirana, procedimin penal në gjendje të lirë të shtetases V.K., 45 vjeçe nga Tirana (pasagjere), për mos kallëzim krimi si dhe sekuestrimin e 7 kg lëndë narkotike Cannabis Sativa në formë çokollate
Materialet i kaluan Prokurorisë pranë Gjykates së Shkallës së Parë Elbasan, për veprat penale “Prodhimi dhe shitja e lëndëve narkotike”, ” Drejtimi i automjeteve në mënyrë të parregullt” të parashikuar nga nenet 283, 291 të Kodit Penal në ngarkim të shtetasit A.Gj dhe për veprën penale “Moskallëzimi i Krimit” të parashikuar nga neni 300 i Kodit Penal në ngarkim të shtetases V.K
Ja deklarata e plotë e policisë:
Elbasan
Finalizohet një tjetër operacion antidrogë i koduar “Bradasheshi”
Operacioni nga Sektori për Hetimin e Narkotikëve në DVP Elbasan.
Arrestohet në flagrancë poseduesi i lëndës narkotike.
Si dhe procedohet penalisht në gjendje të lirë një shtetase (pasagjere), për mos kallëzim krimi.
Sekuestrohet 7 kg lëndë narkotike Cannabis Sativa në formë çokollate.
Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, si dhe bazuar në informacionet e marra në rrugë operative, Specialistët për Hetimin e Narkotikëve në Drejtorinë Vendore të Policisë Elbasan, kanë zhvilluar dhe finalizuar operacionin policor të koduar “Bradasheshi”.
Në kuadër të këtij operacioni u arrestua në flagrancë shtetasi:
• A. Gj, 37 vjeç, banues në Tiranë.
Si dhe u procedua penalisht në gjendje të lirë për “Mos kallëzim krimi”, shtetasja: (pasagjere në mjetin ku u gjet lënda narkotike)
• V.K., 45 vjeçe, banuese në Laç.
Specialistët për Hetimin e Narkotikëve kishin marrë informacion se në aksin rrugor Peqin-Elbasan, ky shtetas po trasportonë një sasi lëndë narkotike për ta shitur, ku gjatë kontrollit të ushtruar në mjetin e tij shërbimet e policisë gjetën dhe sekuestruan në cilësinë e provës materiale, 7 kilogramë lëndë narkotike Cannabis Sativa në formë çokollate.
Materialet i kaluan Prokurorisë pranë Gjykates së Shkallës së Parë Elbasan, për veprat penale “Prodhimi dhe shitja e lëndëve narkotike”, ” Drejtimi i automjeteve në mënyrë të parregullt” të parashikuar nga nenet 283, 291 të Kodit Penal në ngarkim të shtetasit A.Gj dhe për veprën penale “Moskallëzimi i Krimit” të parashikuar nga neni 300 i Kodit Penal në ngarkim të shtetases V.K
