Sulmi ndaj gazetares/ Zgjohet Arta Marku: Hetim transparent për të venë përpara drejtësisë autorët!

Më në fund reagon edhe Prokurorja e Përgjithshme, Arta Marku ajo që së  bashku me institucionin që  drejton, heton dhe zbulon shumë më pak akte kriminale se sa gazetarja e sulmuar Koldiana Lala.

Duke shpreh shqetësimin për sulmin, Arta Marku thekson se mbështet hetimin transparent për të venë përpara drejtësisë autorët.

“Prokurorja e Përgjithshme Arta Marku shpreh shqetësimin e thellë për sulmin ndaj familjarëve të gazetares Klodiana Lala mëngjesin e datës 30 gusht. Kryeprokurorja nxit dhe mbështet plotësisht hetimin transparent për të venë përpara drejtësisë autorët e sulmit.

Prokuroria e Përgjithshme rithekson angazhimin për të venë në dispozicion burime njerëzore dhe infrastrukturore për të garantuar punën e Prokurorisë së Tiranës. Marku çmon punën e gazetares Lala dhe trupës së gazetarëve që përballen me vështirësi dhe rreziqe në kërkim, zbardhje dhe raportim të së vërtetës”, theksohet në reagimin e kryeprokurores