VIDEO/ Basha: Si fallsifikoi Fatmir Xhafaj dokumentet për të shpëtuar vëllain e tij nga burgu

Kryetari i Partisë Demokratike, Lulzim Basha, nga salla e Kuvendit tha se Agron Xhafaj, vëllai i Fatmir Xhafaj është dënuar me vendim të prerë të drejtësisë italiane, për trafikun ndërkombëtar të drogës. Basha tha se vendimi i drejtësisë italiane na bën të ditur se Agron Xhafaj ka drejtuar një organizatë ndërkombëtare kriminale në trafikun e kokainës, heroinës dhe hashashit.

Basha tha se referuar vendimit, përgjimet dhe interceptimet që zbuluan këtë grup kriminal që drejtohej nga Agron Xhafaj, u zbuluan nga DEA amerikane.

“Fatmir Xhafaj ka të gjithë përgjegjësinë morale, ligjore dhe penale që të verifikonin të gjithë personat e dënuar. Agron Xhafaj është një kriminel i dënuar për trafik droge, por që nuk ka bërë asnjë ditë burg, sepse Fatmir Xhafaj si ministër i Brendshëm nuk zbaton ligjin.

Pse nuk ka ndaluar Policia e Shtetit ligjin për të ndaluar personat e dënuar? Pse nuk është ekstraduar Agron Xhafaj ose të validohej vendimi dhe ai të vuante dënimin në burg në Shqipëri?

Fatmir Xhafaj ka ndryshuar nenin 491 të Kodit Penal, duke i siguruar vëllait të tij mbrojtjen dhe mbi të rëndon akuza e fallsifikimit të ligjit. Xhafaj fallsifikoi Kodin Penal për të moslejuar arrestimin dhe ekstradimin e vëllait të tij?

A ka krim më të madh për të fallsifikuar dokumentet zyrtare për të shpëtuar vëllain e tij? Fatmir Xhafaj dhe Agron Xhafaj janë kokat e një prej familjeje mafioze, që e kanë kthyer Vlorën në bazën e trafikut të kokainës dhe heroinës dhe që në Vlorë njihet si pashai, që ka nën urdhërat e tij policinë dhe prokuroinë”, tha Basha.