Video/ “Humanizmi” i Kryeministrit ndryshe, Edi Ramën nuk e bënë dot Arbër…
Edi Rama vazhdoi me fushatën e tij “Kryeministër ndryshe” duke luajtur rolin e humanistit Arbër Hajdari me “Fundjavë ndryshe”, ndonëse në shumë gjëra kryeministri çalon.
“Kryeministri ndryshe” ka vizituar familjen e Niko Ahmetit në fshatin Vajzë të Vlorës, ku dy prindërit me pesë fëmijët e tyre jetojnë në mjerim të plotë, në një shtëpi të rrënuar pa drita dhe pa ujë, që as Migjeni nuk do ta përshkuante dot.
“Kjo është shtëpia ku banoj unë me 5 fëmijët e mi, pa ujë pa drita, pa rrugë vetëm me një ndihmë ekonomike”, tha kryefamiljari para “Kryeministrit ndryshe”.
“Do shikojmë t’u gjejmë ndonjë mundësi t’ju ndihmojmë edhe për fëmijët edhe për shtëpinë, dhe për ndonjë blektori të vogël këtu,” tha Edi Rama.
Këtë “humanizëm” Edi Rama e publikoi në rrjetin social Facebook për t’ju treguar shqiptarëve një “Kryeministër ndryshe” jo nga ai reali, që ndëprenë ndihmat sociale në bazë të preferencave partiake dhe krahinore, nga ai që largon njerër nga puna me ose pa tepsi, por që i vjen në ndihmë edhe njerëzve që janë në hall të madh si Niko Ahmeti.
Të gjitha mund ti bëjë kryeministri ama Arbër Hajdarin dhe “Kryeministrin ndryshe” nuk i bënë dot!
Vizualisht, viizitën në një familje të varfër e bënë shumë më mirë se Arbëri, por nuk i duhet as kohë dhe as Samir Mane e Blend Fevzi me “Opinion” për të ndihmuar njerëzit, sepse këtë e bënë me taksat e popullit, por ajo që e dallon thelbësisht nga Arbëri, fajtori kryesor për thellimin e kësaj varfërie është vet “Kryeministri ndryshe”.
Në fund, edhe këtë lloj “humanizmi”, besoj që Arbër Hajdari dhe “Fundjavë ndryshe” e mbështesin sepse lehtëson shpirtin e tyre të ngarkuar me skamjen shqiptare që arrijnë ta prekin në çdo cep të Shqipërisë, e mbështetjen mediatike që televizionet i japin Arbërit, “Kryeministri ndryshe” e quan KAZAN!
Këto janë edhe arsyet që Edi Rama për një çast mund të bëhet “Kryeministër ndryshe” por jo edhe Arbër i vërtetë me ndjeshmëri…
