Presidenti Trump: Falemnderit Kim!

Presidenti i SHBA, Donald Trump vlerësoi se Korea e Veriut ka dërguar një mesazh shumë të madh dhe pozitiv, meqë nuk prezantoi asnjë nga raketat e saj interkontinentale balistike në paradën ushtarake që u zhvillua me rastin e 70 vjetorit të themelimit.

“Falënderoj Presidentin Kim,” theksoi Presidenti Trump në Twitter duke falemnderuar liderin koreanoverior Kim Jong un.

Në prag të paradës, BBC raportonte, duke ju referuar disa analistëve se Korea Veriore do të zbus tonet kur është fjala në prezantimin e arsenalit ushtarak, pas Samitit me presidentin e SHBA, Donald Trump.

“Temë ishte paqja dhe zhvillimi ekonomik,” theksoi Presidenti Trump në Twitter duke shtuar se ekspertët besojnë se Korea e Veriut ka përjashtuar mundësinë e prezantimit të raketave bërthamore në mënyrë që ti dëshmoj presidentit të SHBA angazhimin e saj për denuklearizimin.

Së bashku me Kimin, tha Presidenti Trump, do të dëshmojmë se të gjithë janë gabim.

“Nuk ka asgjë më mirë se dialogu i mirë i dy personave që rrespektojnë njëri-tjetrin! Shumë më mirë se sa kur e mora detyrën,” vlerësoi Presidenti Trump.

CNN raportoi se dhjetëra mjete ushtarake dhe ushtarë morën pjesë në paradë, në kryeqendrën Phenian, para një mase të madhe njerëzish e Kim vëzhgonte paradën nga ballkoni i shoqëruar nga zyrtarët e lartë të Koresë së Veriut.