SHBA sanksione nënkryetarit të partisë së Dodikut

Shtetet e Bashkuara i vunë sanksione anëtarit të Parlamentit të Bosnje dhe Hercegovinës, Nikolla Spiriç.

Spiriç është edhe nënkreytar i Aleancës së Socialdemokratëve të Pavarur, parti që udhëhiqet nga lideri i serbëve të Bosnjes, Millorad Dodik, raporton RFE.

Në njoftimin e Departamentit amerikan të Shtetit, thuhet se Spiriçit i ndalohet hyrja në SHBA për shkak të përfshirjes në korrupsion në sektorin publik, përfshirë pranimin e përfitimeve në këmbim të kryerjes së funksioneve publike.

Hyrja në SHBA u ndalohet edhe anëtarëve të familjes së tij.

Më herët, Departamenti amerikan i Shtetit e ka futur në listë të zezë edhe Millorad Dodikun