Po thërret Kukësi moj Shqipëri: Jo taksës së Edi Ramës në Rrugën e Kombit!

Qeveri Rama ka paralajmëruar zbatimin e taksës në Rrugën e Kombit duke filluar nga 17 shtatori, sërish pa përfillur qytetarët e Qarkut të Kukësit, që ngelen edhe pjesa më e goditur e shoqërisë shqiptare nga kjo taksë.

Duke mos qenë dakord me këtë taksë, ashtu si edhe më 31 mars, komuniteti i Qarkut të Kukësit, përmes një postimi në rrjetet sociale ka bërë thirrje për protesta, nesër më 17 shtator në orën 08:00 h:

“Komuniteti kuksian, tropojan, hasjan, dibran me banim në Kamëz dhe në te gjithë Shqipërinë, preken direkt nga taksa “Rama” në Rrugën e Kombit.

Prandaj ju bëjmë thirrje që më datë 17 shtator, ora 08:00 të jemi të gjithë atje që të mos lejojmë fillimin e një taksimi të padrejtë nga oligarkët!

Bëjmë thirrje të organizohemi fuqishëm dhe masivisht!”