Përplasje me armë në një pikë bastesh në Tiranë. Arrestohet pronari, ja emri…
Njëri nga pjesëmarrësit e përplasjes me armë në një pikë bastesh në Tiranë është shoqëruar nga policia.
Mësohet se rreth orës 21:10 në një lokal në rrugën “Shefqet Musaraj”, 35 vjeçari me inicialet L.L, pronar i lokalit, për motive të dobëta është konfliktuar me një shtetas tjetër ende të paidentifikuar, i cili gjatë konfliktit ka qëlluar me armë zjarri.
Fatmirësisht nga të shtënat nuk ka persona të lënduar, ndërsa po punohet për identifikimin dhe shoqërimin e shtetasit tjetër të përfshirë në konflikt.
Njoftimi i policisë:
Më datë 17.09.2018, rreth orës 21:10, në një lokal në rrugën “Shefqet Musaraj”, shtetasi L. L., rreth 35 vjeç (pronari i lokalit) për motive të dobëta është konfliktuar me një shtetas tjetër ende të paidentifikuar, i cili gjatë konfliktit ka qëlluar me armë zjarri.
Nga të shtënat nuk ka persona të lënduar.
Është shoqëruar në Komisariat për veprime të mëtejshme hetimore pronari i lokalit, shtetasi L. L., dhe po punohet për identifikimin dhe shoqërimin e shtetasit tjetër të përfshirë në konflikt.
