Përgjigje Edi Ramës, Basha: Kryehajduti kërkon shkresa të pavlera!
“Kryehajduti kërkon skutave për shkresa të pavlera. Teatri i Metropolit është aty! Kinema 17 Nëntorin, Kinema Republikën, kinema Partizanin, kinema Ali Demin, i ka shkatërruar Rama dhe ka ndërtuar pallate,” theksoi kryetari i Partis Demokratike, Lulzim Basha përmes rrjetit social “Twitter” duke ju përgjigjur Edi Ramës për akuzat e thëna nga foltorja e Parlamentit të Shqipërisë.
Ndryshe, në kohën kur po fliste kryetari i Partisë Demokratike, Lulzim Basha në seancën e “zhvendosur” të Parlamentit në Vlorë, mbi gjendjen e rënduar të kriminalitetit në këtë qytet bregdetar, Edi Rama ia behu në foltoren e e seancës plenare në Tiranë për ta bindur opinionin se sa e mirë është situata në vend.
E meqë doli, u kujtua se me vete ka edhe një shkresë nga koha kur kryetar i Bashksië së Tiranës ishte Lulzim basha dhe e bëri publik:
“Shumë shkurt dua të sjell në vëmendje një shembull kuptim plotë të asaj që është dyfytyrësia e përditshme e atyre që sot mungojnë këtu edhe pse teatrin e kishin lancuar si kalin e tyre të betejës. Mungojnë sepse kanë shkuar në Vlorë për të dëshmuar se si po digjet Vlora. Koha shumë shpejt do të na japë provën nëse Vlora po digjet apo nëse Vlora po ecën në rrugën e Rilindjes së saj të pakthyeshme. Mjafton të kemi durimin e të presim edhe muajt që na ndajnë nga zgjedhjet e ardhshme. Ndërkohë që për këdo ka ngenë të ndjekë shifrat dhe ta bazojë gjykimin në fakte, mjafton të shohë se si ishte situata e kriminalitetit në Vlorë vetëm 5 vite më parë me shifra dhe si është sot. Nata me ditën. Sigurisht që nuk është një ditë me diell ka ende shumë për të bërë por është ditë nuk është më natë. Ajo që më nxori këtu është një shkresë të cilën Florian Mima, ministër i Ekonomisë ia dërgon Lulzim Bashës kryetar i bashkisë e çfarë i kërkon. I kërkon privatizimin e Teatrit të Metropolit, në kllapa shënon Teatri i Estradës për llogari të deputetit Astrit Veliaj. I vetmi aset kombëtar në dispozicion të bashkisë së Tiranës i transformuar nga një kafene e degraduar në një teatër të metropolit para se Basha të shkonte në bashki çohet për privatizim jo për PPP as për të ndërtuar një teatër të ri të metropolit në këmbim të kontributit të zotit Veliaj dhe në funksion dhe të një përfitimi legjitim të zotit Veliaj pasi të investonte për teatrin e ri por për t’u privatizuar për pallat,” tha Edi Rama në performancën e tij “Pashpirtësia teatrore e Lulzim Bashës” në seancën parlamentare e cila me urdhërin e tij votoi shembjen e Teatrit Kombëtar.
